انا وزوجي والآيس كريم 2024.

اخواتي راح اقول لكن عن موقف طريف حصل معي وزوجي والسبب آيس كريم

تدرون ان فصل الصيف الجو يكون مرة نااااااااااااااار وزوجي المسكين مرة كان ماخذني "بالغلط " محل يبيعون آيس كريم ولما ذقت آيس كريم مالهم والله ما ادري جاتني مثل نشعة حشاشين خاصة آيس كريم بنكهة شوكولاته المهم صرت كل يوم اطلب منه يجيب لي بعد ما يخلص من الدوام لان مكان دوامي قريب من مكان دوامه والمحل وسط المهم الرجال خاف علي من اللوز لاني مرة رادار بسرعة اصيد السعال المهم قام الرجال شوي شوي ما يجيب لي وصرت مثل المجانين ما ادري ايش اسوي خاصة انا تعودت عليه وكلما اتذكره احس لعابي يسيل مثل الوديان ولما احصل احس انه دنيتي صاير فيها

المهم بعد ما اكتشفت خطة زوجي انه يحاول يبعدني عن آيس كريم ما ادري احتجيت وسويت اضراب وكل يوم طفرته يوم رايحين جاين بالسيارة في البيت لما انام ولما اصحى ولما اشتغل و….. المهم احتجاج قوي جدا جدا لدرجة انه استسلم لأمر الواقع المهم المسكين زوجي حاول انه يهدي الاوضاع وقرر انه يفجأني ويجيب لي آيس كريم الى مكان شغلي وبالفعل راح بس لقاه مقفل فأتصل فيني وقال لي ان المحل كان مقفل وهو كان يريد يفاجأني ما حسيت الا الدنيا تدور علي بس هو قال ولا يهمك حبيبتي المسا لما نطلع من الدوام راح اشتري لك فكرت قلت عصفور في اليد خير من 10 على الشجرة .

وفي ذاك اليوم التقينا الظهر انا وياه وكنا بالسيارة ماشين مطعم عشان الغدا ودار هذا الحوار بيننا فقلت له انا مشتهية بس زوجي صار شكله ازرق اخضر واحمر مختلط بالبيج قال شو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راح باله حال "الجماع"
بس انا بعدني سرحانه بآيس كريم ورديت وقلت ما تسمع مشتهية

قال وأعصابه منفلته وهذا وقته الحين يصير خير بالليل

قلت له وبكل برود انت قلت بالليل صح بس انا ما اقدر استحمل لين الليل
دارت الدنيا براسه وقام يصرخ يا حرمة اعقلي شوي وين بنروح في عز الظهر
قلت ما ادري بس حيل مشتهية

عصب زيادة وقال يهذي وانا من خلال كل ذلك فهمت انه شو يقصد لاني متفننه في علم النفس وقدرت ادرس حالته في دقايق

شفته يثور يثور خفت ينفجر فيني صرخت

قلت لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ا

انا اقصد آيــــــــــــــــــــــــــــــــــــــــــــــــ ــــــس كريـــــــــــــــــــــــــــــــــــــــــــــم

هدأ هنا وانا انفجرت من الضحك وهو قام يفكر ويفكر قال اذا ما تحصلين على مبتغاك ادري اني راح ادخل مستشفى المجانين

وفي ذاك اليوم اشترى لي علبتين

قلت غريـــــــــــــــــــــــــــــــــــــــبة

قال خذي الثاني تاكلينه بالبيت

من بعدها قبل لا اطلب هو يجيب لانه كان منحرج جدا

والله الى الان اذكره ويموت من الضحك زوجي الحبيب يعاملني مثل طفله يدري اني بالفعل طفلة

مشكورات حبيباتي على تواصلكن
ودمتم في رعاية الله