انـــا و جارتــي و كلبـــها المـــؤذي وحســن الجـــوار–يستحق القراءة 2024.

والاحاديث كثيره مذكوره عن النبي صلي الله عليه و سلم..
ونحن في الغربه دوما نحرص علي ان نكون خير قدوره و تيمنا بنبينا الكريم ..
لي 6 سنوات جاره لهذه الانسانه التي ساتكلم عنها ..
حاولت بشتي الوسائل ان اكون انسانه بمعني الكلمه
عانيت 5 سنوات قبل ان اشتكي اول مره عليها ..والان اشتكيت للمره الثانيه ..ليفصل بيني وبينها القضاء
الحين بنبدأ القصه ..
تذكرون ذيك الجاره يلي عندها كلب …
يلي اخذتها علي المحكمه ايام العنابي لان نباح كلبها طفشني و جابلي العصبي ..والسكر و العلل كلها ..
ردت لفعلتها الشنيعه ..
وكلبها قام يصيح و يعوي 5 شهور و انا اترجاها تسكته ..او تسوي شي ما ردت ..
كتبت شكوي للمكتب ..لا والله 3 شكاوي …ما فادت ..
راح زوجي يكلمها ما لقاها لقي ابنها ..وقاله ان ما انتو في البيت بنلقي احد يتبني الكلب ..رد عليه بقله ادب هذا كلبنا و احنا دافعين ثمنه ..
انا شعطت لما رد علي زوجي ..وسامعته بطريقه كلها قله ادب ..وهو اصغر من بنتي ..قلت انا بوريك يا وجه النحس ..بخليك تعرف قيمه كلبك و فلوسك
الام في اخر الصيف قررت تطلع تغير جو ..طبعا من حقها ..تريح اعصابها و تغير جو و اخذت بنتها معها ..
وتركت الولد في البيت ..والولد اخلاقه زفت مزفت ..
بدا كورس النباح من بعد ايام من غياب الام ..(كان الكلب احيانا يحطوا الجهاز يسكت ..ويرجع يعوي كم يوم ندق علي الحيط يتذكروا و يخرسوه ))
الان الام مو في البيت ندق لها سكتي البلوه يلي عندك ..
والكلب اسبوعين يعوي و يعوي و يعوي ..للساعه اربع الصبح ..وانا خلاص ..طقلي عرق في راسي ..
وكانت بنتي مريضه كتير قبل العيد ..وبديت اشم ريحه غريبه ..
ريحه خااااايسه …
علي مدي 3 ايام ..وبنتي ساءت حالتها لدرجه ان اطرافها ازرقت ..وبدت تبكي تقولي ماما ماني شاعره باطرافي ..فورا رحت فيها المشفي ..
وطلعت البنت بتموت مافي اكسجين كفايه بجسمها..
من التحليل والاشعه الطبيب سالني في حد عندك بيتعاطي مخدرات ..
قلت مخدرات مره وحده ..يوه ..هي ابوها يدخن بره البيت .الدخان ما تشمه ..بعدين تذكرت صوت الشباب عند ابن جارتي ..والضحك و القرقعه
والريحه الخايسه …
فعرفت ايش الريحه يلي اشمها في البيت ..
رجعنا البيت بعد ما تحسنت البنت ..
وسالت في المشفي هل من حقي اشتكي ..قالت بنطلب الشريف ..وكلميه ..بالنسبه لنا نعطي لك الحق ان تشتكي للصحه لان ما يصير عيالك يستنشقونه و عندكم اطفال و هذا يعتبر (سكند هاند سموك) كلمت الشريف قال ايوه من حقك تشتكي ان كان جارك بيتعاطي ..وبياذيك .وقلت له عندي دليل فحوصات بنتي ..قال ايوه من حقك حتي بدون دليل…
نويت لها ..زوجي في البدايه عارض ..
قال لا تعاديهم تخافي ياذون العيال و من الكلام يلي لا يودي و لا يجيب ..
قلت بالله عليك يعني نشم المخدرات ما يتاذون عيالي…ولا انا ..اكثر منها اذيه وش تبي ؟؟؟
وخاف ان ياذونهم بره .قلت لا ما عندها الا هذا و بعدين يلي علي غلط يخاف ما يخوف ..بعدين هي بلد فوضي في قانون و في نظام ..

تابع ..