السلام عليكم ورحمة اللة وبركاتة
انا كان عندى اسئلة وياريت حد يساعدنى فيها لكن قبل ما اطرحها بودى انقل لكم تجربتى
انا محجبة وعندى 19سنة ومن تقريبا 5سنوات بدأت استخدم كريمات فرد الشعر وتنعيمة ومش هقولكم شعرى قبلها كان ناعم وسايح هو كان عادى الشعر العادى لكن انا شفت واحدة قريبتى استخدمت هالكريمات وعجبتنى جدا النتيجة
عندها وحبيت اجربها ومرضتش بطبيعة شعرى اللى ربنا اداها لى المهم استخدمت الاول كريم يدوم 6شهور وكانت النتيجة رائعة 
وعجبنى جدا جدا وقررت بغباء انى اواظب علية وفعلا بقالى اكتر من 5سنين مواظبة الموضوع عندى اتحول لالادمان يعنى شعرى فى اول 3شهور من الاستخدام بيبقى ساحر وبعدين يبداينشف ويجعد بطريقة غبية
ودة الى خلانى اعملة مرة بعد مرة لحد ما بقتش اعرف اعيش من غيرة المهم انا بصراحة فوقت من الغيبوبة وقلت خلاص مش هستخدمها تانى واخدت القرار دة من حوالى 3 شهور
وعاوزة اقولكم نتيجة كريمات الفرد على شعرى :
الشعر جاف زى القش ولو مسكتية وضغطى علية يكسر فى ايديكى .
فتلة الشعر لو بصيتى لها تلاقيها شوية غليظة موت وشوية خفيفة موت ورقيقة جدا وخلاص هتنقطع.
تجعييييييييد تجعييييييييد تجعيييييييييد ملوش حل فى الدنيا خصوصا من قدام.
شعرى نحل لوراء خالص بطريقة ملحوظة.
قشرة وهيشان وقرف وزفت.
دة طبعا غير التقصيييييييييييييييييييف .
بجد انا تعبت نفسيا من شعرى لدرجة انى بقيت ببقى مكسوفة اعد بية حتى فى البيت ودايما لافة طرحة علية بجد يا بنات عندى ليكوا انذار يشهد علية ربى ليوم الدين
احذروا هالكريمات الخطيرة
ما تكونوا متلى اغبياء وتخدعكوا النتيجة اول مرة 
وعندى طلب مساعدة من المشرفات ومن اى حد عندة وصفات او اى نوع علاج للشعر انا مستعدة اعمل اى حاجة وشعرى يتعدل بجد انا بعانى نفسيا بطريقة فظيعة ومش عارفة اعمل اية
نتمنى بالفعل ان يستفيدوا الاخوات من تجربتك..
فنحن لا ننصح ابدا باستعمال كريمات الفرد ولا اي نوع آخر من انواع الفرد اياَ كان.
ان شاء الله برجع شعرك صحي ومثل قبل 
عليكِ باستخدام الزيوت الطبيعية مثل زيت الزيتون او زيت الخروع لتقوية بصيلات الشعر.
واستخدمي حمامات الكريم الملائمة لنوع شعرك.. جربي منتجات بانتين.
وان شاء الله بتشوفي نتيجة حلوة
شكرا لك على مشاركتنا تجربتك