السلام عليكم ورحمة الله وبركاته
شخباركم حبايب قلبي..
عساكم بخير وصحه وسلامه يا رب..
ندخل للموضوع..
الموضوع يا خواتي متعوب عليه فاتمنى من الي تنقله تاخذ راحتها بالنقل لان بيفيد جميعنا وخاصه الي محتاجه الحلول الطيبه لشعرها.. لانها عن جد مأخوذ ومترجم وتعب من ناحية البحث والتاكد منه..
ما عندي اي مانع من النقل ولكن اتمنى الامانه في النقل..
وذكر انه منقول من منتدى العروس.. ولا تنقلون اسمي عادي عندي.. بس اهم شي اسم المنتدى..
اول شي بنتكلم عن سر جمال ونضارة وجاذبية شعر الاسيويات..
وهن يشملن الفلبينيات والهنديات والتايلانديات والاندونيسيات..
لكل بلده طريقه وخلطه يستخدمونها لشعرهم وبشرتهم وخاصه ما شاء الله ربنا منعم عليهم من الطبيعه..
منها بسبب التغذيه قولو 40% بسبب التغذيه..
وال20% الوراثه 40% الاهتمام من ناحية الخلطات والزيوت والشامبوهات والبلسم..
وخاصة هذي البلدان تصدر احسن الزيوت الطبيعيه..
السر الأول..
سالت الهنديه الي معي بالدوام.. ما شاء الله شعرها طويل ولامع بنفس الوقت مع انها مسويه الهايلايت وانتو تعرفون ان الهايلايت يجفف الشعر.. فقالت لي ان الهنديات اهم شي بنسبالهن الزيوت..
ما تهمهن الريحه ولا الشكل.. اهم شي انه زيت وتكون مكوناتها طبيعيه وخاصه من الهربل والاعشاب والمواد الطبيعيه..
قالت لي عن خلطه ممتازه وان شاء الله بجربها لما اخلص من جدولي الحالي..
قالت لي Coconut Milk
أي حليب جوز الهند..
ينباع جاهز في السوبرماركت..
ولكن بالهند ينباع طازج..
وايضا تستطيعين عمله بنفسك بالبيت..
يعني ان سالتو الold genaration اي الجيل القبلي.. على طول بيايدونكم..
ام الجيل الحالي بعضهم يعرفون بالموضوع..
طريق الاستخدام..
– يشطف الشعر بحليب جوز الهند الغليض.. يعني يستخدم كبلسم..
-وان استخدم لعمل مساج للشعر يستخدم حليب جوز الهند الخفيف القوام هههههههههه (حلوه هذي) وايد ممتاز لتنشيط الفروه..
كيفية الحصول عليه..
– ينباع بالسوبرماركت على هيئة بودره تخلطونه بالحليب وتغلونه وحتى يصير قوامه ممزوج جيدا انتظري ليدفئ ومن ثم استخدميه..
– ينباع ايضا على شكل علب جاهزه في السوبرماركت..
– ينباع على شكل حليب جاهز ايضا بالسوبرماركت..
وكيفية عمل الحليب بالبيت انتظروني اكمل الموضوع..
يتبع باذن الله..
طريقة عمل حليب جوز الهند بالبيت..
1- هاتي جوز الهند من السوبرماركت واقطعيه ونظفيه جيدا ومن ثم اغسليه بالماء..
2- اقطعي قطع صغيره جدا وضعيه في الخلاطه واخلطيه جيدا..
3- ضيفي الحليب واخلطيه جيدا..
4- هاتي قطعة قطن وغطي المله الزجاجيه..
5- هاتي الخلطه وصبيه على قطعة القطن بحيث ا البقايا تبقى في الاعلى والسائل بالاسفل..
6- الخلطه جاهزه وتستطيعين الاحتفاظ به بالثلاجه لمدة يومين فقط..
ملاحظه:
البقايا لا ترمينه بالعكس استفيدي منه واستخدميه مكمقشر للوجه مفيد جدا جدا..
دومتم بخير
ان شاء الله عندى احساس انه بيجيب نتيجه حلوة جدا لشعرى
شكرا لك