السلام عليكم ورحمة الله وبركاته
أنا عارفة إن كتير أوي أوي مننا البسبوسة عامله له عقدة فجبتلكم البسبوسة ده بجد سهلة أوي وطعمها جميل وتعملوها وانتوا متطمنين…ودلوقتي هسيبكم مع الطريقة والمقادير….ومستنية تجاربكم الجميلة كالعادة
1/2 كوب سمنة + 2معلقة كبيرة سمنة
2ونص كوب سميد ناعم (سيمولينا)…بتاع البسبوسة
1كوب سكر نوعه حلو زي سكر الأسرة مثلا
نص كوب جوز هند ناعم
1 كوب زبادي (يعني تقريبا علبتين ونص من زبادي جهينة ال110 جرام)
نص معلقة صغيرة بيكنج بودر
ربع معلقة صغيرة بيكربونات صودا ولو مش موجودة استبدلوها بالبيكنج بودر
4 معلقة كبيرة ماء (وممكن لو بتحبوا نكهة ماء الورد وماء الزهر تحطوا معلقتين ومعلقتين)
الشربات:
2 كوب سكر
1 كوب ماء
1 معلقة صغيرة عصير ليمون
أول حاجة ندهن صينية بزبدة أو سمنة
ناخد السمنة ونسخنها بس ما نقدحهاش…خدوا بالكوا
وبعد ما تسخن…نجيب طبق غويط ونحط فيه السميد
ونحط عليه السمنة ونقلب كويس جدا جدا بحيث إن كل السميد يتغطى بالسمنة وبعدين نسيب الخليط ده لمدة 30 دقيقة بحيث إنه السميد يتشرب السمنة كويس
وبعد النص ساعة نضيف على السميد والسمنة السكر وجوزالهند والزبادي والبيكنج باودر والبيكنج صودا ونقلب كويس جدا بالمعلقة…
ناخد الخليط ونصبه في الصينية المدهونة بالسمنة أو الزبدة ونسيب الخليط يرتاح تاني لمدة نص ساعة
وبعد النص ساعة نقطع البسبوسة بأي شكل إحنا عايزينه سواء مربعات أو معينات وبعدين نوزع على الوش أي نوع من المكسرات إنتوا بتحبوه…أنا ما حطيتش
فرن 180 لمدة 40 دقيقة وأول ما تطلع نصب عليها الشربات السخن ولو لقيتوا الوش ما احمرش شغلوا الشواية ثواني لحد ما الوش يحمر
تصبوا الشربات السخن …(مهم جدا جدا يكون سخن أوي )بالتساوي على البسبوسة كلها وما تقلقوش أول ما هتصبوها هتلاقيها ما اتشربتش على طول بس بعد شوية هتشرب كل الشربات …تسيبوها بأة لحد ما تبرد خااااااااااااااااااااااااااااااااااااالص…وبعدين أقولكوا بألف هنا وشفا
استنواستنوا انتوا رايحين فين…انتوا ما سألتونيش هنعمل الشربات إزاي ؟؟؟؟؟؟؟؟؟
هقولكوا:
تجيبوا حلة وتحطوا فيها 2 كوب سكر وكوب ماء ومعلقة صغيرة عصير ليمون كل ده هتحطوه في الحلة على النار لحد ما يغلي تقريبا هياخد 8 دقايق لحد ما يغلي وبعدين تهدوا عليه النار خالص لمدة دقيقتين وممكن لو حابين تحطوا في الآخر خالص باكو فانيليا…وبس كده
سلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااام
ريحتها وووصلت لعندي
واني بمووووت في البسبوسة
ما شاااااء الله تبارك الرحمن
منظرها بيجنننننن
الله يسلم الايادي ويعطيك الف عافية
عيد مبارك وسعيد
تسلم ايديكى حبيبتى طريقه حلوه
كان نفسى اشوفها لما خرجت من الفرن
اكيد خلصت هوا
كتبت بواسطة
سودلهداب7 
ريحتها وووصلت لعندي
واني بمووووت في البسبوسة
ما شاااااء الله تبارك الرحمن
منظرها بيجنننننن
الله يسلم الايادي ويعطيك الف عافية
عيد مبارك وسعيد
يا سكر…ربنا يكرمك وألف شكر على ردك الجميل..وأكيد نصيبك في الصينية اتحجز خلاص
نورتيني يا قمر وكل سنة وانتي طيبة
كتبت بواسطة
roina
تسلم ايديكى حبيبتى طريقه حلوه
كان نفسى اشوفها لما خرجت من الفرن
اكيد خلصت هوا
تسلميلي يا حبيبة قلبي
وأنا حطيت صورها حالا أهه تقدري تشوفيها براحتك يا قمر
وألف شكر على ردك الجميل
ما شاء الله عليكي حلوه وشرح حلو
واكيد انتي من مصر عشان شرحك مصري خالص يعني لهجه مصريه
زيي انا كمان من مصر
بسم الله
يعطيك العافيه حبيببتي ……..ممكن استخدم الزبدة بدل السمن ؟
والسميد المستخدم يكون ناعم او سميد البسبوسه العادي ؟
ويسعدلي ايامك يارررررررب
يم يم بس لو الشيره سخنه والبسبوسه سخنه راح تخترب
بس ماشاء الله عليج البسبوسه رووووووووووووعه
تسلم الايد اللي سوته هني حبيبتي
لج احلى تحيه
ماشاء الله روعه تسلم الايادي الجميله
الله يحرم ايديك على النار …..بس ابي قطعة من البسبوسة ..ممكن
كتبت بواسطة
super meme
ما شاء الله عليكي حلوه وشرح حلو
واكيد انتي من مصر عشان شرحك مصري خالص يعني لهجه مصريه
زيي انا كمان من مصر
أيوة يا حبيبة قلبي أنا مصرية حتى النخاع
بس إيه رأيك مش اللهجة المصرية بتوصل المعلومة أسرع ولا إيه 
تسلميلي يا قمر وشكرا على ردك الجميل واتشرفت بمعرفتك
كتبت بواسطة
سرابي
بسم الله
يعطيك العافيه حبيببتي ……..ممكن استخدم الزبدة بدل السمن ؟
والسميد المستخدم يكون ناعم او سميد البسبوسه العادي ؟
ويسعدلي ايامك يارررررررب
أولا أهلا وسهلا بيكي يا قمر ونورتيي وألف شكر على ردك الجميل
ثانيا بالنسبة للزبدة ممكن تحطيها بس مش هتديكي طعم زي السمنة يعني أفضل إنك ما تستخدميش زبدة لأن السمنة هي السر في الطعم الجميل
أما بالنسبة للسميد انا استخدمت السميد الناعم اللي هو بيتباع بالكيلو مش الجاهز اللي بيبأة في علبة البسبوسة( اسمه دقيق سيمولينا) ويا رب أكون قدرت أوصلك المعلومة وأي سؤال أنا في الخدمة
كتبت بواسطة
المجبوره
يم يم بس لو الشيره سخنه والبسبوسه سخنه راح تخترب
بس ماشاء الله عليج البسبوسه رووووووووووووعه
تسلم الايد اللي سوته هني حبيبتي
لج احلى تحيه
لأ يا قمر..مش هتخرب ولا حاجة ما تقلقيش
ده هو الأصل في البسبوسة انها تكون سخنة والشيرة سخنة لأن لو الشيرة باردة البسبوسة مش هتشربها..وتسلميلي يا رب وألف ألف شكر على ردك الرائع ونورتيني يا جميلة
كتبت بواسطة
nnnnn_nora
ماشاء الله روعه تسلم الايادي الجميله
تسلميلي يا قلبي..متشكرة جدا على مرورك وردك الجميييييييييييل..نورتيني
كتبت بواسطة
امل عرعر
الله يحرم ايديك على النار …..بس ابي قطعة من البسبوسة ..ممكن
أحلى دعوة من أجمل قلب.. وبعدين قطعة إيه ده أنا أديكي الصينية كلها
تسلميلي يا سكر وألف ألف شكر على مرورك وردك الجميل..
