2كوب دقيق
2كوب ماء
نص كوب سمن او زبد اوزيت ذرة
رشة ملح صغيرة
ملعقة كبيرة خل
ست بيضات
فانيليا
عسل تقيل جدا
يعنى اتنين سكر مع كوب ماء و نصف ليمونة و ماءورد
ينخل الدقيق مع الملح
نرفع الميه و السمن على النار
اول ما تغلى
نضيف الدقيق مرة واحدة
ونقلب بسرعة لغاية ما يعمل كورة
نطفى و نضيف البيض واحدة واحدة
ومنضفش بيضة تانيه الا لما الاولانية تختفى فى العجين تماما
و هكذا لغاية ما نخلص كل البيض
نضيف ملعقة كبيرة خل و نقلب كويس جدا
ومننساش نضيف الفانيليا
هنلاقى العجينةتجانست و بقيت ناعمة
و نقدر بعد كدا نحطها فىكيس قماش وقمع مناسب و نشتغل بيه
يستحسن زيت حار و غزير لكن ساعة التحمير نهدى النار خالص عشان يستوى من جوه
و بنقطعه بالمقص واحنا بننزله فى الزيت
لما يطلع من الزيت
نصفيه من الزيت على ورق المطبخ
و نسيبه يبرد شويه و بعدين ننزله فى العسل "العسل يكون بارد و تقيل "
و نسيبه شويه و نصفيه و نقدمه بعد كدا بالهناو الشفا
كتبت بواسطة ليلى الجزائرية1 
اهلا بيكى اختى ليلى
و الف صحة و هنا عليكى الطبق
نورتينى بمرورك العطر
كتبت بواسطة مى مودى ميزو و الف صحة و هنا عليكى الطبق
نورتينى بمرورك العطر
الله يسلمك حبوبة
جنااااااااااااااااان
مرررررررررررررررررسي
ماشاء الله
تسلم ايدك حبيبتى وسلميلى على مى وميمو وميزو
ربنا يخليهم ويبارك فيهم