✿✿ بوفيهى الصغير لبيتى الصغير مع 6 انواع لجاتوة البات اشو 2024.

كل سنه وانتم طيبين
وحبيت تشاركونى البوفيه بتاعى الصغير هو مش صغير أوى لاسرتى الصغيره هى برده مش صغيره أوى
فى العيد
ويا رب يعجبكم

هى العجينه كلها واحد وهى عجينة البات اشو او الشو

ومقادير العجينه

1 كوب ماء
1 كوب دقيق
4 بيضه
رشة ملح
فانيليا
60 جرام (زبدة مع زيت)

واول نوع هو
جاتوه الشو العادى

والحشو
الكريمه الباتسير

2 كوب لبن
2/1 كوب سكر
4/1 كوب دقيق
صفار 3 بيضات
فانيليا
م ص زبده
وغالبا لما بكون مستعجله بعمل كستر وبعد ما يبرد اضربه مع كريم شانتيه مخفوق وما بحسش بأى اختلاف

والطبق التانى الاكلير

وده بنفس العجينه
وبنفس الحشو مع زيادة م ك كاكاو
والتزين شوكولاتة حلوه سايحه

والنوع التالت
دوائر الشو بالموز والكراميله

الحشو نفس الكريمه مع قطع موز

والتزين

كرمله وبعد كدة مكسرات محمصه

والنوع الرابع
سابمارين بالفاكهه يجنن

والعجينه هى هى لكن الحشو اختلف
كريم شانتيه وفاكهه كيوى وخوخ واناناس

والتزيين بنفس الشكل

لكن شكل الجاتوه عباره عن ساندوتش كبير ويقطع عند التقديم

بروفيترول بصلصة الشوكولاته
وده ولادى نسفوه

ودة شكلته كور صغيره يعنى كل واحده فى قضمه
وحشيتها الريمه الباتسير
والتزين اذبت 2 شوكولاته جلاكسى مع قطعة زبده
تغمس كل قطعه بالصوص
ووضعتها فوق بعضها وزينتها من الخارج بكريم شانتيه

والنوع السادس
اكلير التشيز

وده العجينه بتاعتى مع اضافة
م ص نسكافيه
2/1 م ص قرفه

والحشو
علبة جبنه كيرى مخفوقه مع 2/1 علبة لبن نسله محلى
وعلبة قشطه و2 شوكولاته سايحه
وبعد ذلك قلبتهم مع 1 كوب كريم شانتيه مخفوق

والتزيين
حطيت بقايا الكراميل اللى عملته مع باقى الشوكولاتة الجلاكسى السايحه
وزينت الجاتوه
واتمنى ان اكون اضفت شىء جديد ليكوا