تجربتي الشخصية مع دونات أم مودي امممممم شهي 2024.

و يالله معلش من اخطائنا ايما نتعلم و انا دايما بقول لو ما غلطت مش حتعلم..

و بيني و بينك ياما مع تجاربنا الاولى يا حرام اكلات كان مصيرها الرمي..و حقك علي انا ما حكيت انو كل حبة لحالها ما بيصير نحطهم فوق بعض تيخمرو اكيد حيلزقو ببعض بس والله راح عن بالي او بالاحرى ما اجى ببالي اشرح النقطة هذه

بالنسبة للتغطية اي نعم بتغمسيها بالصوص الاول و بتتركيها شوي و بعدين بتحطي الشوكولا عالوش..هذه طبعا طريقةمحل الدوناتس اللي اسمو كريسبي كريمي دونات و لكن ممكن ما تعمليها بهذه التغطية اي تستغني عنها و ترشي الوش بالسكر المطحون مثلا او بس تحطي صوص الشوكولا حسب ما تحبي يعني..

و الحجم خليه وسط يعني لا كبير و لا صغير بس اهم شي انو ما تكون سميكة..و هناك قوالب خاصة للدوناتس اذا حابة تحصلي عالشكل الصحيح بس انا ما بستعملها بجيب فنجان الشاي و بقطع فيه
و للحشوة جيبي قمع التزيين تاع الكريمة او كيس التزيين و استخدمي الشكل الرفيع العادي ضعي فيه الحشوة و احشي الدوناتس زي كانك بتحقنيهم بالابرة من كل جهة شوي لحد ما تحسي انك حشيتيها كلها..
و الف عافية و ان شاءالله كون افدتك
تحيااتي