نقدر نقول منظمه او عصابه …مش عارفه بس هو اتحاد عالمى يجمع كل مدمنى الخبز اللى زيىى و اخيرا لقينا لنا مقر يا ولاد.
اسمنا الخبازين اللى ما بيخافوش من حاجة….بيفوتوا فى الحديد !!!
وصفة الشهر ده كانت صنف كنت كل لما اقرا عنه امشى من جنبه من غير حتى ما ارمى السلام
انا وحشه مش كده؟؟؟؟
بس ده تحدى و لازم كلنا ندخل و اللى ما يدخلش…..يا ويله …منظره هيبقى وحش فى المحافل الدوليه…
دى سمعة مصر يا جماعة لا مش مصر بس ده سمعة الوطن العربى و الاسلامى…
و سميت اولا الوصفه سهله جدا جدا و مفيهاش اختراع و انما التشكيل و الابداع و طرح الفكرة هو اللى كان تحدى …تحدى الشهر اللى سبقه كان من نار و غسلنا مواعين لما بقينا نبكى بدل الدموع دم…
بس ده سهل خالص…خالص.
لو شجعتونى ان شاء الله هنزل تحدى كل شهر و ده طبعا بعد ما يحين موعد الافصاح الرسمى عنه.
وصفه المرة دى سهله جدا جدا هى عبارة عن وصفه بسكويت زى بسكويت الجوفريت او السيجار بالشوكولا او بسكوت الايس كريم …الفكرة فى التشكيل و الابداع فى العرض و كانت المهمه اننا نقدمه مع طبق حلو قائم على الفواكه و الكاسترد …
محسوبتكم طقت فى دماغها الفكرة …عملت طبق رز بلبن و نكهته بالمستكه و ماء زهر البوصفير و كمان بالحبهان و على الوش زينت بالفاكهه ..اناس و كيوى و فراوله مع رشه عسل ابيض و كمان بوله ايس كريم فانيليا و فراوله….يعنى اقدر اقول ان الطبق ده تزاوج فى النكهات ما بين الشرق و الغرب.حاجه كده full option !!!!
شفتوا بقه احلى من كده ..؟؟؟ نيجى للبسكويت ..طبعت رسمه حشرة طائرة اسمها dragonflyو اسمها بالعربى تقريبا ابودقيق و ممكن برضه لو فى حد بيطرى او زراعه يكون عنده رأى تانى.. طبعت الورقه و فرغت الرسمه على ورق ستنسيل و و فرشت فيه العجينه اللى بتبقى شبه سايله على لوحة السيليكون و خبزتها و اول ما طلعت تنيتها علشان تاخد شكل الحشرة…
و عملت اشكال تانيه كتير هتشوفوها فى الصور.الفكرة انى مش قادرة ابطل لعب بالخامه دى…لسه فى ابتكارات كتييييير فى دماغى عايزة اعملها…
يدينى و يديكم طولة العمر .
يالا صور
و كفايه بقه كده صور …و ندخل على الوصفه….
65 جرام زبده طريه و 60 جرام سكر بودرة و 2 بياض بيض و شويه فانيليا و 65 جرام دقيق
الطريقة بنضرب الزبده مع السكر لحد ما تبقى زى الكريمه و بعدين نضيف بياض البيض و الفانيليا تدريجيا و نضرب بس مش كتير و بعدين نخلط الدقيق تدريجيا.و بعدين نحفظ الخليط فى التلاجة نصف ساعه و بعد كده نبدأ فى تشكيل العجينه اللى هتلاقيها بتتفرد فرد و ده على صينيه و انا هنا برشح شييت سيليكون و نبدأ نشكل بالطريقه اللى اتكلمت عنها فوق و يالا اقروا الانجليزى و اجتهدوا هتلاقوا فيه تفاصيل اكتر علشان انا كده ايدى وجعتنى
يالا يا بنات عايزة اشوف تطبيقات
Preparation time batter 10 minutes, waiting time 30 minutes, baking time: 5-10 minutes per batch65 grams / ¼ cup / 2.3 ounces softened butter (not melted but soft)60 grams / ½ cup / 2.1 ounces sifted confectioner’s sugar1 sachet vanilla sugar (7 grams or substitute with a dash of vanilla extract)2 large egg whites (slightly whisked with a fork)65 grams / 1/2 cup / 2.3 ounces sifted all purpose flour1 table spoon cocoa powder/or food coloring of choiceButter/spray to grease baking sheetOven: 180C / 350FUsing a hand whisk or a stand mixer fitted with the paddle (low speed) and cream butter, sugar and vanilla to a paste. Keep stirring while you gradually add the egg whites. Continue to add the flour in small batches and stir to achieve a homogeneous and smooth batter/paste. Be careful to not overmix.Cover the bowl with plastic wrap and chill in the fridge for at least 30 minutes to firm up. (This batter will keep in the fridge for up to a week, take it out 30 minutes before you plan to use it).Line a baking sheet with parchment paper or grease with either butter/spray and chill in the fridge for at least 15 minutes. This will help spread the batter more easily if using a stencil/cardboard template such as the butterfly. Press the stencil on the bakingsheet and use an off sided spatula to spread batter. Leave some room in between your shapes. Mix a small part of the batter with the cocoa and a few drops of warm water until evenly colored. Use this colored batter in a paper piping bag and proceed to pipe decorations on the wings and body of the butterfly.Bake butterflies in a preheated oven (180C/350F) for about 5-10 minutes or until the edges turn golden brown. Immediately release from bakingsheet and proceed to shape/bend the cookies in the desired shape. These cookies have to be shaped when still warm
فى انتظارك
الطريقة بنضرب الزبده مع السكر لحد ما تبقى زى الكريمه و بعدين نضيف بياض البيض و الفانيليا تدريجيا و نضرب بس مش كتير و بعدين نخلط الدقيق تدريجيا.و بعدين نحفظ الخليط فى التلاجة نصف ساعه و بعد كده نبدأ فى تشكيل العجينه اللى هتلاقيها بتتفرد فرد و ده على صينيه و انا هنا برشح شييت سيليكون و نبدأ نشكل بالطريقه اللى اتكلمت عنها فوق و يالا اقروا الانجليزى و اجتهدوا هتلاقوا فيه تفاصيل اكتر علشان انا كده ايدى وجعتنى
يالا يا بنات عايزة اشوف تطبيقات
على فكرة أنا عملته زمااااااااااااان
و عملته على شكل طبق
وضعت فيه فواكه مقطعة وفوقها أيس كريم
البركة فى الأخوات يطبقوا بمعرفتهم
شكرا يا قمر على كل ما تطرحينه من مواضيع
فى انتظار ابداعاتك
انا اكتر طريقه عجبتنى اللى زى الطبق عشان احط فيها ايس كريم باس ازال اعملوا دائرة وادخلوا الفرن وازل بعدها اشكلوا على هيئة طبق ويجمد على الشكل ده يعنى
كتبت بواسطة نسمه الليل 
انا اكتر طريقه عجبتنى اللى زى الطبق عشان احط فيها ايس كريم باس ازال اعملوا دائرة وادخلوا الفرن وازل بعدها اشكلوا على هيئة طبق ويجمد على الشكل ده يعنى
بتفرشى العجينه على شكل دايرة بالحجم اللى اتنى عايزاه و لما تطلع من الفرن و هى سخنه هتكون طريه تاخديها و تحطيها على كوبايه مقلوبه هتجمد و يبقى عندك احلى طبق
تسلم ايديكي وعنيكي
يا شهيره