السلام عليكم يا أحلى أخوات في أحلى منتدى
مبارك عليكم الشهر الفضيل و ان شاء الله جميعا من عتقائه
اليوم جربت وصفة غروودة , رح تقولوا لي صاير عندك ادمان على تجريب وصفاته 
عن جد اي , بحب جربلها لان نفسها طيب و وصفاتها بحسها فررريش من الصور 
يعني هل الصفحة لازم زورها مرة بالاسبوع لحتى الحق جديدها أول بأول بكل الاركان
جربت قوارب الكوسا و طلعوا كتيررر طيبين سلم دياتك ام أنس و ما ننحرم من هل المطبخ الطيب
هي رابط للوصفة
و هي صورة لتطبيقي
هلا حاطة عيني على الدجاجة على القنينة , رح جربها اذا الله راد قريب
شو كمان , بعد ما فرغت اللب , خطرلي اعمل فيه وصفة بزيت و كمان بالطحينة , و الله طلعم نمممي
لليوم صارت عملت الكوسا بالطحينة أكتر من مرة مع الخبز العربي و الفليلفة الحرّرررة
اممم
و هلا صورة للوصفة الجديدة و أكيدة طريقتها
الصورة مو مستعملة لب الكوسا مستعمله الكوسا المكعبات لان صااار سويتها أكتر من مرة بس المقادير هي هي
لب الكوسا الزائد إلي زاد معي من تحضير الوصفة , انا عملت كيلو كوسا واحد
3 – 4 ملعقة كبيرة زيت زيتون
حبة بصل متوسطة
4 – 5 ملعقة كبيرة طحينة
عصير نصف حبة ليمون حامض
نصف كوب ماء بارد
فص ثوم
رشة كمون
رشة فليلفة حمراء ناعمة
3 – 4 ملعقة كبيرة زيت زيتون
حبة بصل متوسطة
4 – 5 ملعقة كبيرة طحينة
عصير نصف حبة ليمون حامض
نصف كوب ماء بارد
فص ثوم
رشة كمون
رشة فليلفة حمراء ناعمة
نخلط الليمون و الطحينة مع بعض بعدها منضيف المي الباردة شوي شوي لحتى يصير الصوص ناعم , بعدها منتبلها بالملح و الكمون و الفليلفة .
نفرم لب الكوسا ناعم و إذا جاي على بالنا نجرب هل الوصفة من دون ما يكون عندنا لب كوسا نفرم الكوسا مكعبات .
هلا نقلي البصل و الثوم بالزيت لحتى يطرى بعدها نضيف الكوسا و نقلب و النار بتكون وسط شي عشر دقايف أو لحتى تنشف مية الكوسا مع التقليب .
نصف الكوسا في صينية و نغطيها بالطحينة و نخبزها بالفرن ربع ساعة و بعدها بس ما فترت دوقوها و ادعولي و كمان ادعولها لغرودة
سلام
الله يسلمك و يخليك حبيبتي والف شكررررررررررررررر على كلامك الحلو حبيبتى والله من بعض ما لديكم عيني
كوسيات رووووووووووووووووووووووووعه وخاصه من يدك حبيبتى
والطبق التاني جديد ورااااااااااائع والكوسا كله طيب ومفيد
والدجاج على القنينه مش رح تندمي باذن الله هاى غالبا طبختي اول يوم برمضان على القنينه
فعلا شكلها حلو جدااااااااااااااااااااا
تتطبيق رائع وطبق جميل
انت الي قمر و الله و هل الكلام بتستاهليه و اكتر , الله يعطيكي الف عافية على الوصفات الحلوة
و ان شاء الله يصيرلك و تجربي الطبق الجديد لان فيه نفسك
رح جربوا ان شاء الله هادا الدجاج واكيدة رح نزل تطبيقي
الله يسلمك أختي ,كلك زووء ان شاء الله تجربي وصفة غرودة و تكون على زووءك
تطبيق روعه
ربي يسلم دياتك يا رب على التطبيق الروعة والطبق التاني الرائع كمان…
يعطيك العافية انت وحبيبة قلبي أم أنس…ربي يخليها ودايماً تفضل منورتنا بوصفاتها….