**تعالوا شوفوا التوست بتاعى بالبصل والشيدر يميميم 2024.

لاكي
يا هلا بالحبايب
فى الركن الهادى الجميل
خلاص يا هوانم لكِ انتهيت من تعذيب الفراخ والبقر
وفوقت شويه لللعب بالدقيق
وتقوية عضلات الاكتاف واليدين

واول ما لعبت بالدقيق كان فى توست البصل والشيدر
توست يجنن وطعمه مهما اتكلمت عليه خطير ندخل فى الموضوع

المكونات

4 كوب دقيق
1 م ص ملح
باكت خميره فوريه
1/2 باكت بكنج بودر
1 م ك سكر
1كوب لبن دافىء
1/2 كوب ماء
4 م ك زبده
بصله كبيره قطع صغيره
شرائح جبنه شيدر بالكمون او ساده
بيضه مخفوقه باللبن بملح وفلفل للوجه
رشة زعتر وبابريكا وحبه سوده للتزيين

الطريقه

وضعت الزبده على النار
ووضعت عليها البصل الى ان اتشوحت بدون ان يتغير لون البصل
وسنة ملح وفلفل وتركته يبرد

وفى طبق عميق اخر اخلط كل ما هو جاف مع بعضه
ومن الافضل ان اخلط معه الزبده بالبصل
لانى خلطه فى الاخر وكان متعب
واخيرا الماء واللبن واعجنها جيدا

وتركتها تخمرالى ان تضاعفت
وطريقتى فى التخمير
ببل فوطه بماء ساخن واعصرها جيدا
والف بها الوعاء الذى به العجينه وادخله فى فرن دافىء

وبعد ما تضاعف حجم العجينه
بطتها بايدى لكن مش قوى يعنى بفضى هوا فقط
وفردتها بسماكه معقوله وفردت عليها الجبنه الشيدر
ولفتها ووضعتها فى القالب مدهون بالزبده
وتركتها تخمر ودهنت وسطحها بالبيض واللبن
ورشيت عليها الزعتر والبابريكا والحبه السوده
ودخلتها فرن حامى الى ان استوت

واتفضلوا شوفوا الصور واتمنى انها تعجبكوا