قبل ما احكي على الوصفة لازم نقول قصتها
هاد يا سيداتي من يومين كنت ناوية سوي اكلة معينة واذ بالكهرباء
تنقطع على غير العادة وخرب العدس الي كنت ناويه سوي فيه الاكلة وكنت مطالعة
اللحمة ومجهزة على اساس اكلة عدس ولما صار هيك كتير انزعجت بس المشكلة انو مو وقت الانزعاج لازم سوي
شي فاول شي حطيت ماء على النار مشان اسلق مكرونة وبهالاثناء رحت قشرت بطاطا وقطعتها وحطيت كمان
الزيت على النار مشان اقليها وجليت الجلي كان عندي كومة جلي تخيلو حالتي وكله مع بعضه وابني عم ينق
ويتبكبك بدو ينام وزوجي قرب يوصل وانا لسا ماصليت بدي اتحمم وصلي واطبخ ونيم ابني وكل شي
آآآآآآآآآآآآآآآآآآآآآه
تنذكر وما تنعاد 
المهم فحطيت المكرونة سلقتها وبنفس الوقت قليت البطاطا وبلشت
باللحمة قليتها بشوية زيت وملح وبهارات ودورت بقا شو في عندي حطيت لقيت بالبراد صلصة بيتزا حطيتها علبة
فطر مقطع حطيتها علبة ذرة حطيتها وشوفان ومكعب ماجي او بالاحرى كنور وشوية ماء وفلفل اسود وبالاخر
حطيت رشة ثوم بودرة بس شو الريحة جنان عن جد وطبعا هاد كله وابني عم يبكي واعصابي متوترة وحالتي حالة
شوي جلي شوي بطاطا شوي مكرونة المهم صفيت المرونة وحطيتها على الصلصة وهديت النار وخليتها تتشرب
الطعمة مظبوط وهون خلصت البطاطا المبهرة بشوية ملح وفليفلة بودرة حمرا وابني اخييييييييييرا نام
المهم ركضت على الحمام تحممت ولبست وصليت بعدين اجا زوجي وكان شيئا لم يكن كل شي
جاهز ومرتب ياسلام على الاربعة وعشرين 
وهي قصتي كان يوم العجقة العالمي مو معقول شو تعذبت فيه
بس الحمد لله مرقت على خير والمكرونة طلعت طيييييييييييييبة كتير جربوها ما بتندموا وهلا بعد كل هالحكي
تفضلوا شوفو هالمكرونة السحرية الي انقذتني شكلها عادي صحيح بس طعمها بيجنن
وهي صورة جماعية 
بتحصل يا اختي لهيك بنقول المصايب بتيجي متجمعة شو بتحكي لو قلت لك على اللي صار معي في عزومة….
على كل تسلم يمناك والحمد لله انك تصرفت بسرعة
ورجاء حار كي تتجاوب الاخوات معك بسرعة ضعي كل موضوع في ركنه وليس في ركن الاطباق لانه غير مقروء والكثير من العضوات لا ينتبهن .
وشكرا مقدما
بس الصور ما طلعت
مشكوره باين من المقادير لذيذه مشكوره
مشكورة الله يجزاك خير,,
بس ما طلعو عندي الصور….
بس للاسف حتى انا ما ظهرت عندي الصور