اشحالكم ان شاء الله بخير
والله انا الحمد لله بخير وعافية :122:
صار لي يومين ابا اسوي موضوع يكون تعليمي كالعادة + اني اشوف تطبيقاتكم على لف الورق اللي حطيته لكم قبل ,,
يعني شرات ما يقولون اسوي لكم تمرين ,,, واللي يحب طبعا يحطي تطبيقه في نفس الموضوع عسب الكل يستفيد ان شاء الله ..
فحست شوي في النت والاشكال اللي موجودة لان كنت ادور على شكل مركب من اشكار بسيطة في اللف يعني مبني على الاشكال الاساسية ,,
فحصلت شكل ان شاء الله يكون مناسب لكم ,, واشوف تطبيقات حلوووة منكم وتفاعل جميل ,, :001:
الشكل وهو عبارة عن شكل الثلج نفس اللي نشوفه في الرسوم المتحركة :: eh2:: يتكون من شكلين ( العين + الدرائرة المفتوحة )
عدد اشكال العين =12 شكل
عدد اشكال الدائرة المفتوحة = 6 دواير كبار + 12 دايرة صغيرة
وممكن يكون في دايرة صغيرة مسكرة في نص الوردة ؟؟ الصورة مو واضحة وايد عموما راح نعتمدها ان شاء الله ,,
طريقة العمل :
في البداية نقصص اوراق طولية طبعا وهاي اللي بنلفق فيها ,, عرضها نص سم بالنسبة لي انا طول الورق نفس طول اوراق الـa4 بالنسبة للالوان مو مشكلة تحبون الوان ثانية غير الموجود مو مهم اهم شي طريقة التطبيق ,,, حجم الاوراق اللي عندي هيه الاوراق المقواه ,, وعدد الاوراق بتكون 30 ورقة على حسب عدد الاشكال اللي عندنا وعقب نبدأ اللف وبعد ما نخلص لف نبدأ نركب ونجمع واخر شي اكيد تصورن الشغل وتحطونه في رد هنيه ,, وجزاكم الله كل خير على اهتمامكم وتعاونكم :ax:
هذا الشكل بيكون بمثابة تمرين على الاشكال الاساسية للكولينج او دروس لف الورق اللي حطيتها قبل ,,
وصدق اتمنى اشوف شغلكم في الموضوع ,,
ملاخطة :
بالنسبة لشغلي انا بحطه انا بس يبالي اول شي اقصص الاوراق لان تعرفون شغلي دومه رمز للبدائية بعد ما اضطورت ووفرت الاغراض الخاصة ههههههههه
والله يوفقكم وييسر لكم الخير ان شاء الله دنيا واخره ,,
@ اختكم في الله @
ام ناصر 
يسعدنى اكون اول من ردت عليكى اختى ام ناصر جزاكى الله خيرا على مجهودك معنا وسوف اتعلم له انى احب هدا النوع من الاعمال اليدوية بالتوفيق اختك خلود7 تسلمون خواتي على تشجيعكم الدائم وان شاء الله اشوف مشاركات وتطبيقات للتمرين ,, وممكن تراجعون مواضيعي بتلاقون فيها دروسي عن الموضوع ها ,, واي استفسار انا حاظرة والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر