توست بالألوان وكمان حديقة جوري ملونه تفضلووووووووووووا 2024.

المثل بقول الفاضي بعمل قاضي وتكمله من عندي حتى لو انه مريض ومكسر ههههههههههه
اليوم الكاميرا مش مزبطه معي يمكن والله اعلم صورت 500 صوره وما زبطت ولا صوره
يا ام مريم لازبطت بورده ولا بشجره ههههههههه ولا باي خيار عليها مش عارفه شو القصه
المهم هذا الي طلع معي

اختاروا شو بعجبكم وانا متأكده مش رح يعجبكم ولا صوره
مقادير العجينه
3 كاسات طحين
ربع كاس سمنه بيضا
1 ملعقه كبيره خل ابيض
1 ملعقه كبيره خميره
2 ملعقه صغيره ملح
2 ملعقه كبيره سكر
1 كوب ماء دافي

الطريقه

نضع المواد الجافه + السمنه ونفرك ثم نضيف الماء ونعجن
نأخذ من العجينه 4 قطع صغيره ونترك الباقي
نلون الالوان المرغوب بها لكل قطعه من القطع الاربع

الصور رح تعبر بدل الشرح

هنا نلف كل قطعه بيضاء بقطعه ملونه ولكن بسماكه بسيطه ولفه واحده فقط

وهنا نرتب القطع الاربعه بجانب بعض ونضع فوقها اربعه اخرى ولكن مع اختلاف ترتيب الالوان

ثم نلفه الكل بالعجينه البيضاء
ونتركها تتخمر ونخبزها على 180 درجه بوسط الفرن
والنتيجه كما رأيتم

بالنسبه للورد

تبقى عندي بعض العجين
رقيت العجينه وقطعنها دوائر رشيتها قرفه وسكر بني ووضعت كل اربع قطع كل قطعه على طرف الاخرى ولفيتها وقطعتها من النصف

ورتبتهم على ورق زبده

وتركتهم تخمروا من جديد وخبزتهم على 180 كمان

وبعد الخبز دهنتهم عسل
الف صحه
وبعتذر عن ردائة الصور
سلالالالالالالالالالالالام

أحلى شغلة : إنه الوردات طالعين فوق رسمة الأوراق على الصحن و كأنهن كل متكامل
يعني حاطة الوردات بمحلهن تمام

سلامتك , راح الشر عنك
و الله يعطيكي العافية