السلام عليكم ورحمه الله وبركاته…
يوم قرر اخوي يتزوج وكلم امي تدور له عروسه .. الكل فرح ..لازم نفرح لانه البكر في العائله…
وطبعا كانت له طلباته… وما كانت طلبات تعجيزيه كل الا كان يبغاه انها تكون بملامح مقبوله ..
شفنا بنات كثير .. وكانو بيرفضوا عشان منطقه شغله بعيده وما يبغوا يبعدو عن اهاليهم
رحنا وشفنا البنت .. ملامحها لاهي حلوه ولا هي شينه وقريبه من طلب اخويا..
راحت امي عشان تتفق مع ام البنت ..
قالت امها .. لاتسون في القاعه الفلانيه تراها شينه ومو حلوه .. !!!
..و ترا بنتي تبي طقاقه … قالت لها امي ان شاء الله بس تكون دق اسلامي ومن دون اورج ..
قالت لها لا .. مو حلو الاسلامي… قالت لها امي بس انا ماابي اسمع اغاني
قامت قالت لها .. مو مشكله حطي قطن على اذانيك!!!!!!!!!!!!!!!
وتمت الملكه اللي ياريتها ماتمت…
بعد الملكه اتصلت البنت تسلم على امي .. وقالت لها ترا ياخاله بطلت ماابي اللي ماابي اورج
وبعدين دقت على اخويا وقالت له تراني ابي اورج .. قالها موقلتي لأمي انك ماتبيه خلاص؟؟
لا انا ماقلتلها ولا كلمتها.!!!! (يعني امي كذاابه )
وسوينالها فرح بقاعه عمرها ماتحلم فيها …كلفت القاعه لحالها فوق ال75 الف غير التوابع من عشى وضيافه
ودق عند الحريم وفرقه عند الرجال لحالها فوق ال15 الف وتصوير سينما وفيدوو وتصوير عند الرجال
وربي ليله ولا الف ليله والناس لين اليوم يتكلمو عنها ويقولو ماعمرنا حضرنا فرح زي فرحكم ..
..وهي طبعن ماشاركت بريال ولا
مو عاجبتها القاعه وتتفلسف ..
المهم ضحكت على اخوي انها مابتجيب الاورج واخرتها جابته وجابت الزيران طبعا مانقدر نتكلم واحنا
بالزواج ونخرب فرحه اخوي .. حسبي الله ونعم الوكيل فيها وفي امها ..
ورغم كل الي سوته عاملناها كأنها اختنا وامي كانت تقوول انها بنتي …اول مادخلت بيتنا امي شالت طقمها
واهدتها هو ..طبعن غير الهدايا الي من اول.. وانا واختي شرينالها سله كريمات كبيره وصيت عليها صديقتي من
لندن …
سكنت بالدور الي فووق …ووقت ماقرب سفر اخوي للمنطقه الي يشتغل فيها على اساس بياخذها معاه ..
الا طلعت التخصص الي تدرس في بالكليه مو مفتوح بالفرع الي هناك..وهم الكذابين قالو لنا قبل الملكه انه عمتهم
دكتوره بالكليه الي بمدينه اخوي وانها تدّرس نفس التخصص …اضطر اخوي انه يخليها عندنا ..لانها رفضت تروح
معاه ..وامها قالت دام ولدكم اتزوج البنت احنا مالنا شغل فيها..اتحملوها انتوو..
صراحه احنا استانسنا انها بتجلس عندنا
كانت تخاف تنام بشقتها لحالها .. وقالت لي انا واختي ننام عندها.. ومااعترضنا ..مع انه مافي سرر لنا فوق..
وكنا نساعدها في التنظيف والغسيل والكوي.. والله العظيم لين الحمامات نظفناها لها .. واحنا الي ببيتنا مانشيل
قشه والحمد لله عندنا خدم من يومنا..حتى واجباتها نحلها لها وبحوثها نسويها والوقحه يوم نخلص البحث ترجع
تقول الخط مو مزبووط او مدري ايش
ونقعد احنا الهبل نعيدلها ونكتبلها ثاني.. يمكن تحسون اني ابالغ بس والله العظيم اننا حاطينها في عيونا …
وامي كل يوم تسالها وش مشتهيه ع الغدا وتتطلعلها غداها لين شقتها…قليله ادب ياناس
اتخيلو تقعد تورينا قمصان نومها وقمصان ليله الدخله ..وتقولنا ايش النوع الي اخوكم يحبه من القمصان ..ولو
اعطيناها وجهه بعد بتتمادى وتحكينا عن ليله الدخله…
بعد فتره جا اخوي اجازه ..واخذها للشاليهات الي عمرها ماطبتها وتحلم فيها في بيت اهلها (استغفر الله )
وهو معاها كانت تكلمه عن اخوانها واهلها وحكاوي عاديه..يوم جا يكلمها عننا..قالت له لاتجيب لي سيره اهلك
مااطيقهم …استغفر الله الكلب وهو الكلب يبان فيه المعروف ..(السالفه هذي عرفناها بالصدفه)
وبيوم كنت جالسه انا واختي نتفرج تلفزون …جات عندنا وقعدت تسولف وتحكي..كانت ايامها حامل بالشهر
الاول ..قالت كلمه كل ماحاولت اسامحها ترن هذي الكلمه في بالي تقوول(ولدي هذا ماينتسب لكم ينتسب لااهل
امه ) شايفه حالها الاخت مع اننا اشرف منها والحمد لله احنا من آل البيت.. ماردينا
عليها انا واختي ولا بكلمه …!
من بعدها
ماعد صرت احتك فيها ابدن ولا اكلمها
وماعلمنا احد انا واختي عشان الموضوع لايكبر ..لانه مو بنت عرب الي تقول هالكلام ….
وووربي مو قادره اتحملها والي ضاغط علي اكثر اني ماعلمت احد ولا اتكلم مع احد عنها يوم الناس يسالوني
عنها اقولهم بخيير وطيبه وووو….وتسلم عليكم ..وانا بداخلي انحرق وودي انفجر منها …
مشكورين على تحملكم لي ….
والله بس من حر قلبي ….
المهم خواتي … ابيكم تحكوني قصصكم من حريم اخوانكم
لانه من الي اشوفه قدامي انه اغلبهم كذا وكارهين اهل الزوج وويبون يتزوجوو الرجال ويقطعوه
من اهله
اذا شفتكم متحمسسين وتحكوني قصصكم ..بكملكم ترى والله ماقلت شي باقي ….
اختي خليكم على طيبتكم معها وربنا شاهد على كل شئ
قالت كلمه كل ماحاولت اسامحها ترن هذي الكلمه في بالي تقوول(ولدي هذا ماينتسب لكم ينتسب لااهل
امه )
سبجان الله كلمتها هذي نفس كلمة زوجة اخي وتصدقي وقتها انا وخواتي ما عرفنا شو نرد عليها ولحد الان مقهورين من كلمتها
بس في الاخر الواحد يدعي لهم في الهدايه اقضل
لكن أشوف تعامل أمي مع حريم خوالي تعامل حلو .. وتعامل الكل على حسب تعامله معها ..
و مثل ما قالت ( احب الله ورسوله ) : اصابع يدك مش زي بعض ..
وفعلاً ما يحس بالنار الا واطيها ..
لكن احتسبي كل هذا عند ربك وراح تحصلين أجرك كامل وافي عند ربنا يوم القيامة _ إن شاء الله _ ..
مع التحية ..
أنها لما ذهبت عند أحد حريم أخوانها وكان أخو الحرمه موجود فقالت قدام وجيهم
يوه أخوي المسكين مايقدر يأخذ راحته.
تقول طلعنا على طول من ضيقت الصدر.
يازوجة الابن ولا اهل الزوج قضية عصييييييييبه مالها حل الا الصبر
فعلاُ يااختي فية من زوجات الابناء لاتخاف الله وتكره اهل زوجها من اول يوم دخلت عليهم او انها تبي تتسلط عليهم قبل لايتسلطون عليها هذا بتفكيرها او مما تسمع من صديقاتها
فتكون كارهتم قبل تعاشرهم
والله يشهد على كلامي اني سايرت اهل زوجي وتنازلت كثير والحمد لله اني امسك نفسي عن الغلط مهما كان اما ضربهم لعيالي بدون سبب او تجريح وغيرة الله يعين بالاخير ومن معاملتهم انهم مايبون زوجة الابن لها اي دخل واي حق الطيبه تسحب نفسة والشريه تنتقم وتعاديهم وتتلقط زلاتهم
صراحة هالموضوع يضايقني عدااااااااااااااء وبغض اهل الزوج وهم الاقله لايردون زوجة ابنهم مهما كانت
وبعض زوجات الابناء لاتريد اهل زوجها مهما عامولها بكل طيب وعامولها زي بنتهم
الحسد والكرة والبغض كلها صفات الشياطين والمشكلة منتشرة بكثرة بيننا اعوذ بالله كننا يهود بين تعاملاتنا الله يهدينا
أووووه إنتي ما شفتي حاجة
لو احكيلك عن نسوان أخوالي
الهبلة
و…
و…
و…
أربعة ما فيش وحدة على حالها
يعني طبيعية
لكن مىا راح أحكيلكم
بخاف ماما تغضب مني
الله يعينك أختي
اماعن مرت اخوي فهي والله عسل وطيبه وأحنا نعامله بكل احترام وادب وكأنة اختنا.