أولا أحب أعرفكم بنفسى
أنا صاحبة المسك ومشهورة هنا بالمنتدى بإسم بطوطة ( نسبة إلى الإسم السابق لى كوسة وبط)
أو أم حسن نسبة إلى إبنى الأكبر
ثانيا : أنا قصدت إنى أسيب عنوان الموضوع للتشويق
علشان ما أحرقش القصة ههههه
أنا مصرية مغتربة هنا بأمريكا من 9 مارس 2024
أحببت أن أشارككم الدرس اللى تعلمته بالغربة
يمكن حد يستفيد أو أساهم فى إنفاذ واحدة فى نفس وضعى
الموضوع اللى هأتكلم معاكم فيه موضوع كبير وعلشان تحسوا بيه أكتر لازم أحكى لكم الحكاية من الأول
طبعا لما جيت هنا ما كنتش طايقة حد ولا حاجة ويوم السفر كنت متماسكة جدا على الرغم
من بكاء الجميع عند توديعى بالمطار
لكن بمجرد ما إن إرتفعت الطائرة عن أرض مصر الحبيبة بكيت كتير قوى
أنا كنت مسافرة لوحدى مع أطفالى ( حسن 4 سنوات وعبد الرحمن سنة ونصف)
وكانت رحلة طويلة ومتعبة ووصلت هنا بالليل ومع إن زوجى كان محضر الطعام
وورد وهدايا والذى منه الراجل ما قصرش الصراحة 
إلا إنى كنت ضاااااااااااربة البوووووووز المتين ومدياله الوش الخشب زى ما بنقول فى مصر 
مع إن القرارا أخدناه مع بعض هو بيشتغل فى شركة أمريكية لها مقر فى مصر
ومرة زارهم مدير من الفرع الأمريكى فى فرع مصر وأعجب بزوجى وقرر نقله
لفرع أمريكا بالفرع الرئيسى هنا فى كلورادو وإستخرنا الله ومشينا فى الموضوع
وهو سبقنا هنا ب 3 أشهر وبعدين إحنا حصلناه
المهم فضل زوجى غلبان معايا يا عينى ويحاول يراضينى ومرة نتخانق وأعيط
ومرات يطبطب على ومش عارف يعمل إيه لأننا واخدين قرار
مش هينفع هو يكون فى مكان وإحنا فى مكان لازم كلنا مع بعض
وكنت حاسة إنى هأموت ومش ممكن أقدر أعيش فى البلد دى مفيش حد شبهى
طبعا إنتو أكيد فاهمين وحاسين باللى أنا بأقوله معظمنا شعر بالإكتئاب
مفيش ناس بيتكلموا زيينا مفيش حد شكلنا وقليلين اللى لابسين الحجاب بنشوفهم بالصدفة
وكنت كل أما أتضايق أنزل أشترى حاجات وأبعزق فلوس على أى حاجة وخلاص
لبس جزم شنط حاجات للمطبخ أجهزة أكل كل حاجة وأى حاجة وزوجى
لقانى بأرتاح كده فسابنى وقال المهم إنى أكون مبسوطة
طبعا أول سنة نزلت مصر وما كنتش أقدر ما أنزلش نزلت فى صيف
2024 وتجهيزات وهدايا والذى منه ومصاريف على الآخر فى مصر وإنتو عارفين
التذاكر غالية لوحدها تقريبا السفر لمصر أخد مننا حوالى 8000 دولار
والسنة اللى بعدها فى صيف 2024 برضه نزلنا مصر وصرفنا حوالى 9000
كان معانا منهم 4000 والباقى بقى يا حلوين عملنا فيه إيييييييييييييييييييييه؟
تـــابعونـــى
فى الحلقة القادمة للتشويق والإثارة أكمل بإذن الله
كتبت بواسطة *سهام الليل* 
تتحياتي
لا شوقتيني جدا جدا
ماشاء الله أسلوب شيق جدا تابعته حرف بحرف
الله ينور بالك ياام حسن ويجبر بخاطرك يارب
كلنا على شوق لسماع المزيد وإتمام الحكاية التي هي
من الـ……… إلى الـ……………
تحياتي وحبي لك ياصاحبة المسك
واهلاً ومرحباً بكِ معنا نورتِ الركن وأهله
ما شاء الله عليكِ أبدعتي في سرد حكايتك في الغربة
جعلتيني اتابعها بكل لحظاتها وكأنني كنت معكِ
الله يهون عليكِ غربتك ويبارك لكِ بأهل بيتك ياارب
ونحن بإنتظار تتمة حكايتكِ بشغف كبير
حماكِ الله
كتبت بواسطة 79nana تتحياتي
لازم أعمل لكم ساسبنس suspense
ههههههه تابعينى لازم التشويق علشان تتعلموا الدرس بس مش زى ما أنا إتعلمته ربنا ما يورى حد يا رب وكلكم تتنصحوا من غير ما تآخدوا على دماغكم زيي
كتبت بواسطة * شهدوده * لا شوقتيني جدا جدا
ماشاء الله أسلوب شيق جدا تابعته حرف بحرف
الله ينور بالك ياام حسن ويجبر بخاطرك يارب
كلنا على شوق لسماع المزيد وإتمام الحكاية التي هي
من الـ……… إلى الـ……………
تحياتي وحبي لك ياصاحبة المسك
كتبت بواسطة سومرية واهلاً ومرحباً بكِ معنا نورتِ الركن وأهله
ما شاء الله عليكِ أبدعتي في سرد حكايتك في الغربة
جعلتيني اتابعها بكل لحظاتها وكأنني كنت معكِ
الله يهون عليكِ غربتك ويبارك لكِ بأهل بيتك ياارب
ونحن بإنتظار تتمة حكايتكِ بشغف كبير
حماكِ الله
تابعونا تجدوا ما يسركم هههههه
الحلقة الثانيـــة
زوجى كان بيآخد مرتب كل شهر + حوافز وإضافات كل 3 شهور
+ آخر السنة بيكون فيه تقييم وعلاوة وبيكون فيه زى مكافأة فى آخر السنة
وطبعا أختكم ما بتخليش الراجل متشطب عليه وكاتم فى نفسه وساكت
المهم نرجع نكمل الحكاية … كان فاضل لنا 5000 دولار تمام أخدناهم منين يا حلويييييييين؟
باقى الفلوس أخدناها من الكريدت كارد
أيييييييييييييييوة
كان عندنا كريدت كارد من غير فوائد لغاية صيف 2024 فزوجى قال خلاص مضمون إن شاء الله
لما نرجع نسدد المبلغ عادى وبدون فوائد وحطيت فى بطنى بطيخة صيفى زى ما بنقول
وبعزقت فى مصر وما كانش بيهمنى … وكله على الكريديت كارد
وطبعا كانت غلطة العمر وحطوا تحتها مليوووووووووووووووووووووووون خط
وده أول درس الكريدت كارد سلاح ذو حدين وفخ اللى يقع فيها زينا
يبقى عليه العوض
اللى حصل إننا لما رجعنا من مصر على شهر 8 سنة 2024 بدأ الإنهيار الإقتصادى
وشركة جوزى قالت خلاص مفيش حوافز كل 3 شهور قلنا ماشى مش مشكلة
لكن فضلت أنا بنفس طريقتى ونفس المصاريف وباليمين والشمال وكل اللى نفسى فيه أجيبه
هتقولوا على ما عنديش دم … صح أنا برضه بأقول كده هههه
إلى أن إنتهت سنة 2024 ومع بداية 2024 الشركة قررت تخفيض المرتبات كلها 25%
تخيلوا 25% يعنى ربع المرتب طااااااااااار مبلغ كبير
ده غير إن الحوافز إتشالت ومفيش بونس ولا علاوة سنوية ولا أى حاجة خالص خالص
هم ال 75% من المرتب وخلاص على كده
ومشوا ناس كتير جدا من الشركة بس الحمد لله زوجى ما كانش منهم وكانوا متمسكين بيه
وبعدين إيه اللى حصل يا ترى؟
تـــــابعــــونــــى
BANK RUPTCY
بس والله كتير ربع المعاش يطير هيك 