احب اقدم لكم طريقة الراس ملاي مثل ما شفتها من الشيف اسامة في التلفزيون … وانا جربتها وهي سهلة جداااااا جدااااااااااا ولذيذة امممممممممممممم … وعيالي كل يوم ما شاء الله يطلبونها ..( مومصدقين امهم اتعرف اتسويها ) 
يلا بدون فلسفة زيادة .. اتفضلوا الطريقة ..
المقادير :
كوب واحد حليب بودر
نصف ملعقة طعام بكنج بودر
بيضة
ملعقة طعام زيت
الطريقة :
يخلط الحليب مع البكنج بودر، ثم يعمل في الوسط حفرة باصبعك و توضع البيضة مع الزيت وتمزج البيضة مع الزيت ثم يخلط الجميع … راح تتكون عجينة يابسة شوي وتلصق بايدك لكن عادي وخذي قطع وكوريها ثم اضغطي عليها وخلي حجمها صغير لانها مع الطبخ راح تنتفخ … لما اتكورينها خليها على جنب وحضري السائل اللي راح تطبخ فيه ..
السائل :
الكمية على كيفج … حليب سائل وسكر وهيل ناعم ( جبهان ) وفستق ( انا احط ماء وحليب نيدو وسكر مع الهيل والفستق) على ذوقي ولما يغلي حطي الكرات وخليها شوي ، لما تطفح فوق اقلبيها وراح تشوفين لونها صار ابيض مرة .. خليها شوي وبعدين طلعيها … ثم اتركي الحليب المغلي علشان يبرد
طريقة التقديم :
ضعي كمية من الحليب المطبوخ ( اللي طبخت فيه الكرات ) طبعا بعدما يبرد وضعي كرة او كرتين واذا حبيتي صبي عليه شوي حليب مركزوفستق ناعم …
وبالهنا والعافية ..
فعلآ طريقتها سهلة
تسلم ايدك عرفتينا عالحلوالهندى 
مشكوره على الطريقه السهله
وجزاكي الله خير
الله يعطيك العااااافية
الحلى هذا ذقته في مطعم هندي …وكان طعمه لذييييذ
اختي اسيرة الغربة العجينة تتكون من الحليب والبكنج بودر .. ما يدخل فيها الطحين ..
الله يسلم ايدك عزيزتي
شكلها لذيذ
تستحق التجربة
م ش ك و ر هـ
يعطيك الف عافيه في انتظار جديدك يالغلا
