كيف حالكم يا صبايا المنتدى الغالي انا اليوم بدي اورجيكم وصفة ان شاء الله تعجبكم
سويتها وحبيت انكم تشوفوا الطريقة كاملة مصورة
واتمنى اني اشوف ردودكم الحلوة ..
على بركة الله
هاي صورة الحلى عشان اشجعكم
وبعديها الخطوات المصورة
بسم الله نبدا ..
اول شي حبيباتي لازم يكون عندك عجينة الكنافة اللي الكل اكيد بعرفها ..
وشفناها بالمنتدى اكتر من مرة بس انا راح اورجيكم صورتها.
هاي عجينة الكنافة انا سويتها ناعمة كتير عشان انا بحب الكنافة ناعمة
وحطيتها بطنجرة عشان احط عايها الصبغة البرتقالية
واضيف الزبدة
وابدا بفركها باصابع الايدين بخفة لحم ما تاخذ اللون وتصير كلها نفس اللون
وتصير بها الشكل
هيك صارت العجينة جاهزة لمدها بالصينية
بعد ما صارت مصبوغة ومدهونة زبدة
راح ادهن الصينية سمنه كويس
وبعدين بفرد الكنافة فيها وبرصها شوي براحة ايدي
اكيد انتي بتكوني بهاد الوقت مجهزة القطر وهوعبارة عن 4كاسات سكر
وكاستين ماء وبس يغلى وتحسي المزيخ صار تخين بتعصري شوية ليمون
وخلص
وهسة صار دور الحشوة اللي هي عبارة عن قشطة ..
بتحطي القشطة على العجينة وبتفرديها
انا حطيت الحشوة بالوسط عشان تشوفو الصورة منيح
لانه اللون الابيض بعكس
هههههه
شايفين انا بهمني تشوفوا الصور حلوين
بس انتي بتفردي الحشوة منيح على الصينية كلها
وبتحطي طبقة تانية من العجينة من فوق تغطي طبقة القشطة
وبترصيها شوي شوي بحذر عشان الحشوة ما تطلع
وهلا بتحطي الصينية بالفرن من تحت وبتبهي عشان بسرعة بتستوي
وعشان تعرفي انها استوت بس تهزي الصينية بتتحرك معك يعني بتكون متماسكة
بتحطي سمنة سايحة على الوجه
وبتوزعي السمنة كويس يعني مقدار 3ملاعق كبيرة
وبتحمريها شوي من فوق وبس تطلع مباشرة بتحطي القطر عليها
وبترجعي بتحطيها على الحم بالفرن كمان مرة بالوسط
وبعدين بتقطعيها وبتحطي الفسفق المطحون على الوجه
وهاي الصور بتشرح كمان
وهاي كمان صورة لعيونكم
وهاي صحن لاول وحدة بترد
ان شاء الله تعجبكم .. يا رب
وسلامتكم يا حلوين
مـــساء الـــــورد..
تسلم ايديك ..
بس ما في صور..
لكـ من مــــ90ــــشاعر كل الحب والــــود..
من فين اشترى الصبغه البرتقاليه؟
الله يعطيك العافيه
فنانه يا بنت .. تسلم هالايادي حبيبتي
رووووووووعه والطعم حاسسته في تمي ههههههههه
بس بدي أسألك كيف حاطه البرواز حوالين الصور
معلش بس عامله منظر كتييير حلو
يعطيك الف عافيه يا رقمررررررررررررررررررررر
