طبعا ملطووووووووووووووش
سهله وبسيطه ورخيصه . وسعره مايتجاوز الثلاثين ريال <== حصة تدبير منزلي صارت .
الصينيه اللي استخدمتها كبيره نسبيا .
باكيت بسكويت ، اي نوع تفضلينه انا احب داجستيف . استخدمت تقريبا 20 بسكوته .
نصف علبة قشطة التاج . او اي نوع تفضلينه .
نصف ملعقه كبيره كاكاو بودره ( استخدمت بودرة كاكاو هرشي )
بكت جبنة كيري ( 6حبات) .
علبه كبيره نستله .
6علب كانشو ( بسكويت هش محشي بالشكولاته ) اللي مايعرفه هذا بسكوت للبزارين كان ينباع عندنا بالابتدائيه مزعجينا فيه بالفسحه. العبله الظاهر بريال وربع .
2 جالكسي . للوجه .
……………..يتبــــــــــــــع…………… ……. ياويلكم لو تردووون
…………….. نكمـــــــــــــــــل………………
الطريقه :
نجهز الطبقه الأولى .
نفتت البسكوت والافضل لو تخلينه خشن شوي يطلع احلى .
نضيف نصف ملعقة الكاكاو .
ونخلطه .
ايضا نضيف نصف علبة قشطه
ونخلط .
وهذا شكله بعد ماخلطناه .
الحين اضغطيه بالصينيه . والافضل ترصعينه بكاس عشان يكون مستوي تمام .
……………….يتبـــــــع…………….
الطبقه الثانيه
نخلط الجبن والنستله ، خلطه الكيري بالخلاط قبل عشان يذوب تمام .ويصير ناعم .
بعد الخلط
الحين نصب النستله ونخلط .
وهذا شكله بعد الخلط.
الحين صبيه فوق الطبقه الأولى .
ودخليه الفرن على حرارة ( 150 درجه مؤيه ) حتى يتماسك ، أخذ معي ربع ساعه . انبهوا مو تخلونه يغمق بس يتماسك .
وهذي صورته بعد ماطلعته من الفرن.
نجي للطبقه الثالثه
رصي الكانشو ، صوره للكانشو للي مايعرفه .
من الداخل .
نرصه
ونكمل الرص .
……………………….يتبـــــــــــــــــــــــــــ ـــع…………………….
آخر طبقه ( تزيين الوجه )
نسيح الجالكسي ونننثره على وجه الصينيه .
ندخله الثلاجه شوي بس يتماسك ويبرد .
وبعدين نقصصه .
حسيت لو اني زدت طبقة البسكويت كان شكله طلع أكثر وسامه خخخخخخخخخ .
حطي كل حبه بورق بلسيه .
رتبيه في طبق تقديم .
على فكره الكميه عبت صينيتين وسط .
صوره عن قرب .
وقدميه
هااااه يستااهل اللطش والا لا
وبالعافيه عليكم. .