حلى المهلبية بالشوكولاتة بالصور اول مشاركة لي معكن يارب تعجبكن 2024.

مسااااااء الخير يا احلى منتدى بالعالم

كيفكم يارب اموركم تمام؟

طبعا هي اول مشاركة الي معكم يارب تعجبكم انا من زمان كتير متابعة اغلب المواضيع وبطبقها بس صراحة عشان ظروف الشغل والبيت وضيق الوقت ما عم بشارك بس ان شاء الله رح احاول اشارك معكم اكتر من هيك

الحلى الي رح اقدمه هو مهلبية الشوكولاتة بالجالكسي جربت عملتها مرة وطلعت زاكية كتير وكل الي اكلها حبها ان شاء الله انها تعجبكم

نيجي للمقادير:

لتر حليب كامل الدسم
ملعقتين طعام ونصف نشا
ثلاث ملاعق طعام سكر
ثلاث ملاعق طعام كاكاو بودرة (بدون سكر)
3 حبات جالكسي سادة
وهي صورة المقادير:

الطريقة:
ننخل الكاكاو ( نسيت اصور هاي الخطوه)
نضيف النشا والكاكاو البودرة للحليب البارد ونحركهم حتى يذوبوا تماما
نضع الحليب على النار ونحرك باستمرار
نضع الجالكسي في حمام مائي ساخن ونحرك حتى تذوب جيدا
قبل ما يبدا يثخن خليط الحليب نضيف الجالكسي المذاب ونستمر بالتحريك حتى نصل الى السمك المناسب ( لو حبيتي الخليط يكون تقيل شوي اكتر من الدانيت ممكن تحطي 3 ملاعق نشا )
نصب الخليط في اطباق التقديم ويترك حتى يبرد ثم نضعه في الثلاجة الى اليوم التالي ( 12 ساعة عالاقل لانه كل ما كان ابرد بيكون ازكى لاكي

)