خبيصة العنب الخليلي♥●♥● فلسطين نبض في قلوبنا ♥●♥● 2024.

بسم الله الرحمن الرحيم

السلام عليكم ورحمة الله وبركاته

عملنا من قبل حمرة وبيضة بدبس العنب

اليوم رح نعمل الخبيصة بعصير العنب

بس العصير المستعمل هون غير عن العصير العادي

لما نعمل الدبس بنعصر العنب وبعدين بنخلطة بمادة ترابية اسمها الحور لونها ابيض هاي المادة بتشيل الحموضة من العنب اذا كانت موجودة وبعدين بتركوو يروووق ويصفوو اللي يتصفى هذا بكمل بطريقة لينعمل دبس
وبياخدو منه اشوية عشان يعملو منه الخبيصة

وحماتي العزيزة اللزيزة دايما بتخبي بالفريزة شوية رووق عشان وقت الشتا وهيك صار
الأسبوع الماضي قلتلها بدي من تحت دياتك خبيصة اذا سمحت
وفعلا سمحتلي وعملتلي اياها وطبعا انا رح اورجيكو الطريقة اتفضلو معنا

6 كاسات عصير عنب رووق (او عصير عنب عادي ممكن ينضاف له سكر اذا في حموضة حسب رغبتك انت)
1 كاسة سميد
نصف كاسة جوز
ملعقتين يانسون

نشمر عن سواعدنا ونبلش

نضيف الست كاسات عصير على النار

ونستنى لما يغلو ونضيفلهم كاسة السميد المضاف له اليانسون (اليانسون ممكن نفركه بايدينا او نطحنة زي ما تحبوو)

]

ونضل نحرك فيه لحتى يجمد وتتفتح حبات السميد

وبالاخير نضيف له الجوز المفروم

ونتركة يغلي غلوتين ونشيله عن النار

ونسكبه بالصحوون

ونزينة بحبات الجوز كمان

والله طالع شكله بشهي

وكل سنة وانتو بالف خير

وكل موسم عنب وانتو بصحة وسلامة

تحياتي

الماسة

ام سهام واسيل