عندي طلب بسيط أتمنى حد يجاوبني عليه
مره كنت في زيارة لأحد المعارض……وكلت دونات رووووووووعة ويوم سألت عن الطريقة
كان الجواب انها بالآلة ومالقيت اجابة شافية…….وكان طعم الجرفه واضح فيها يممممممم؛)
ياليت الي عندها الطريقة تعطيني لاني ناوية أشتري الآلة آخر الاسبوع ان شاء الله
بالنسبة للنوع هذا من الدونات ماذقته ,لكن فيه مدرسة عند اختي ,تسويها لهم دائما ,ويقولون لذيذة …
انشاء الله احاول اجيب الطريقة ,واكتبها لك ..
مافهمت الكلمة هذي (وكان طعم الجرفه واضح فيها يممممممم؛) ممكن توضحين لي..
انا عندي اله الدونات الكهربائيه واذا تبغي الطريقه اكتبها للك بس استغربت يوم تقولي انه فيها طعم الجرف وش قصدك؟؟؟؟؟؟؟؟؟؟؟؟؟؟؟
وأنا عندي طريقة رائعة للدونات الآلة .. هي طريقة الكيك العادي وتصبينها في الآلة لمدة أربع دقايق تقريبا .. وبعدين تصبين عليها التوفي والله لذيذة جدا جدا جدا .. حتى مرة سويتها لرفيقاتي ويا ليتني ما سويتها كل مرة والثانية يقولون سويها وجيبيها ..
خواتي .. أولا أحب أشكركم على تفاعلكم مع الموضوع .. وأحب أخبركم أني اشتريت الآله وبإذن الله بجرب اليوم فيها عمل الكيك .. والدونات أنتظر طريقتها منكم .
** شمالية غربية :
(القرفة = الدارسين ) مثل ما وضحت إختي سلفية 
. وأنا بانتظار طريقة مدرسة إختج . وإن شاء الله تحصلين عليها بأسرع وقت .
** ذكرى :
الله يحلي أيامج عزيزتي ذكرى . ويالله إختي كتبيلي طريقتج في عمل الدونات .. مع خالص شكري لك .
** سلفية :
شكرا جزيلا إختي سلفية .. ما قصرتي .. بس عزيزتي ممكن تكتبيلي طريقتج في عمل الكيك عشان أجربها .. والتوفي بعد 
====> (( طماعة صح ))
انا كلمت اختي ,لانها تسكن في مدينة ثانية ,وقلت لها تسأل زميلتها المدرسة ,وانشاء الله بترد لي ..
——-
السلفية الله يسعدك :اكتبي طريقتك بسرعة بسرعة بسرعة ……الخ
أخواتي اليازي وشمالية .. هذه طريقة الكيك .. وإن شاء الله تعجبكم ..
المقادير /
كوب ونصف طحين
4 بيضات
كوب سكر
ربع كوب زيت
ملعقة أكل ب ب
ملعقة صغيرة فانيليا
حليب كارنيشن أو قيمر
2 ملعقة صغيرة هيل ناعم ( أو دارسين على حسب رغبتك )
—-
الطريقة // تخلطين المقادير السائلة مع بعض بالخلاط الكهربائي أو اليدوي .. ومن ضعي المقادير الجافة واخلطيهم بالملعقة الخشب ..
—–
لماذا نستخدم خليط الكيك للآلة الدونات ؟؟؟ لأن الآلة تحتاج إلى عجينة شبه سائلة وليس عجينة الدونات المتماسكة ..
—
مقادير التوفي /
نص كوب سكر
علبة قيمر
ثلث علبة الزبدة ( زنة 113 غرام ) أم ممكن تستبدلينها بالزيت ..
——
الطريقة / يوضع السكر والزبدة على نار هادئة حتى يذوب السكرتماما ويصبح لونه أشقر ثم يوضع القيمر ويقلب بسرعة حتى ما يتكتل ..
—-
طريقتي أنا في التوفي / أخلط السكر والزبدة أو الزيت مع القيمر قبل ما أحطهم على النار .. ومن ثم أضعهم على النار وأقلب فيهم إلى يذوب االسكر ..
طولت عليكم .. على العموم بالهنا والعافية
حليب كارنيشن أو قيمر
طيب الحليب سائل …والبديل اللي هي القيمر ,يعني مش سايلة مره ,ايش الافضل ؟
أنا أفضل الحليب .. لكن إذا ما كان متوفر حطي القيمر .. صدقيني الفرق ما راح يكون كبير ..
عندي طريقة وايد حلوة……..
لكن الوقت متأخر غدآ بكتب الطريقة……