السلام عليكم ورحمته وبركاته ياريت ياجماعه حد يقولى ليه الجوازات اليومين دول اكثرها فاشله وكلها مشاكل انا كل النماذج اللى انا شايفاها اما الراجل يتجرد من رجولته ويمشى وراء الزوجه ليس امامها والا حيسمع ويشوف مالا يرضيه او يكون الراجل حمش زيادة عن اللزوم لدرجه تخنق من غير وجه حق يعنى تلاقيه عايز يتحكم فى الزوجه بطريقه غبيه انا مش باقول يسيبها على هواها انما انا عايزه الراجل يكون بيتقى الله فى زوجته ويعاملها بما يرضى الله وده مش حينقص حاجه من رجولته بالعكس دى الرجوله الكامله يعنى انا امامى نموذجين من الازواج الجدد اولهم الزوج ماشى وراء زوجته فى كل حاجه سواء صح او غلط ومش شايف غير هى واهلها واهله دول مش على الخريطه خالص مع انه كان قبل الزواج دائما عند اخواته المهم اما النموذج الثانى فالزوج مسيطر جدا مش عايز مراته تطل من باب ولا شباك ولا تروح لاهلها ولاتخرج مع ان زوجته من بيت محترم جدا وهى متدينه ومحترمه جدا يعنى بالفعل هو ظفر بذات الدين ولكن هو مش مريح دائم الشجار بسبب وبدون سبب انا صراحه مش عارفه هو الزواج حصل فيه ايه ياريت حد يقولى ان دول حالات خاصه انما صراحه انا شايفه ان دى اكتر الحالات الان وربنا يستر على البنات والولاد القادمين على الزواج 
بس الدنيا فيها هيك وهيك وفيها الناس الكويسين والعادلين في التعامل مع الجميع
لله في ذلك حكمة لايعلمها الا هو
والناس اجناس لاتحكمي على هذا الامر بانه من زواجات اليومين دول كما قلتِ
فمنذ الازل ونحن نسمع بالمشاكل الزوجية
تقبلي مروري