بس بوجهة نظرى ان الخبز العربى يحتاج للعجن مدة طويلة حتى يتجانس و ينتفخ بالتساوى
بس انتظرى اخواتك اكيد لهم خبرة اكثر منى و يساعدوك بخبرتهم .
اعذرينى
انتى طبعا فردتى العجين على شكل دوائر بحجم الرغيف
وتركتيه يخمر وبعدها نقلتيه للفرن صح
المفروض لما تشيلى الرغيف من الطاوله بعد ما اختمر وتحطيه على صاجه الفرن
متحطيهوش كما هو بنفس الوضع
بل تقلبيه
يعنى سطح الرغيف يبقى هو فى مقابل الصينيه او رف الرفن على طول
فاهمانى
يعنى تقلبى الرغيف
والمعلومه دى انا اعرفها من الغاليه frfoza
فى ملفها لصناعه الخبز العربى
وانا شخصيا كانت بتواجهنى المشكله دى
وش الرغيف رفيع
والجزء السفلى تخين ومعجن
لكن اتبعت نصائح فرفوزا
وعملت زى ماشرحت لك
وطلع رااااااااااائع والوجه زى القاع بالظبط
حبيبتي اساسا الرغيف العربي عادة بتكون الطبقة السفلى اتخن نوعا ما من العليا هذا شئ طبيعي بس مش للدرجة الي بتوصفيها …
اهم شي حبيبتي الفرن يكون حامي جدا جدا و متل ما قالت نور تقلبيه والقصد هنا يعني تحركيه وهو في مكانه علشان تتساوى الحرارة من جميع الاتجاهات وينفخ كله مرة واحدة ويكون قريب من النار من تحت و بعد كدة يحمر الوجه واثناء التحمير من فوق يحرك في جميع الاتجاهات حتى يكسب لون جميل وينضج جيدا
بارك الله في الجميع و ان شاء الله نكون افدناك يا قمر