بموضوعك عن عمل اللبنة
و الحمدلله كل مرة بيطلع تمام التمام
بس آخر مرتين لما عملته ما بيعطي الحموضة مثل دايما
و بيكون كثير رخو و طعمه اقرب للحلو من الحامض
المرة الماضية كبيته لانه فكرته خرب و ما زبط
بس اليوم طلع معي نفس الشي
وين الغلط مش عارفة يا ريت تساعديني
و الله يجزيك كل خير
و يجعله بميزان حسناتك
السبب بدرجة الحرارة
يعني انتي سخنتي الحليب بس مش للدرجة المطلوبة (45) درجة مئوية
ولما تضعي الخثارة (الروب ) وتخلطي الحليب دفيه (يعني غطيه بشي سميك زي بطانية صغيرة
حتى تبقى الحرارة دافية ومايبرد وماتشتغل البكتريا
وشي ثاني لما تلاقيه انه خفيف لاترميه
وانما ارجعي دفيه على النار شوي وارجعي غطيه وبعد ساعة تلاقيه تماسك
عمرك ما تكبيه لو سخنتيه شوي مثل ما قالت ام مريم حتى بسرعه بتفصل المي عنه
دايماً اذا بدك اياه حامض زيدي الروبه وخليه اسخن من المفروض شوي
بالتوفيق حبيبتي
يعني انت بتحكي كتير اعملتيه بس ليه المه ما زبط الله اعلم بتحصل في درجة سخونة الحليب
كنت عملت منه لبن مش باضافة ملعقة حلبة وكم قرن فلفل ورشة ملح
واتركيه اسبوع وبعدها مع بندورة وزيت زيتون و صحتين وعافية
و يعطيكم العافية
انا سخنته لدرجة الغليان
و تركته لحتى يفتر حطيت اللبن الزبادي عليه و خلطته بعدين لفيته ببطانيه ليوم كامل
و لما شفته هيك حطيته بالثلاجة
لحتى اشوف رد خالتو
فينفع اطلع من الثلاجة و اسخنه مرة ثانية
مع العلم انه ع الساعة 9 بالليل حطيته بالثلاجة و الساعة الآن 7 الصبح
ولو مانجح معاك اغليه وصفيه بقطعة شاش حتحصلي على جبنة
بس حابة اقول الترويب لاياخذ فقط 5 ساعات وكلما زادت المدة زادت الحموضة
انا بخليه اقل شي 6 ساعات على شان كمان يكون جامد قرص هههههههههه على قولة امي
طبعاً بيعتمد على درجة حرارة البلد والمطبخ
بس انا بحكي شي علمي
يعني بعد ال5 ساعات البكتريا تصير تتغذى على كل السكريات بالحليب وتحولها لحامض اللاكتيك لذلك نجده اكثر حموضة
كتبت بواسطة ام مرمر و ليلو 
طبعاً بيعتمد على درجة حرارة البلد والمطبخ
بس انا بحكي شي علمي
يعني بعد ال5 ساعات البكتريا تصير تتغذى على كل السكريات بالحليب وتحولها لحامض اللاكتيك لذلك نجده اكثر حموضة
الله يخليك يا رب ويسعدك
انا كنت موضحه في موضوعي ترويب اللبن انه لا تكشفي الحرامات عنهم قبل 6 ساعات ابداً
بس انا ما بخليه يزيد عن 6 ساعات لانه ما بنحبه حامض وكل ما ضل كل ما حمض ازود
اناعندي ملاحظه وحده ممكن تكوني اختي غيرتي نوع الحليب او اللبن الي استخدمته في الترويب
لانها تصير اوقات ونستخدم نوع او ماركه اخرى و ما نحصل على نفس النتيجه