مساءكم ورد وفل وياسمين 
النهاردة يا قمرات هانعمل السوفليه
طبعاً انا كنت بترعب لما بسمع اسمه 
وكان عندى يقين انى هافشل فيه يعنى هافشل ففضلت اسمع اسمه من بعيد لبعيد
وفى يوم من الأيام << شهرزاد 
واتتنى الشجاعة ودخلت على المطبخ وقررت أعمله
اتفاجئت بأنى ماعنديش قوالب السوفليه 
قلت يابت ولا يهمك عندك قوالب فخار تشبهها فرق اللون بس 
وفعلا عملتها فى القوالب الفخار وطلعت تحفة بجد مش مبالغة
وطبعا كنت فرحانة بنفسى اوى 
قوام السوفليه لا هو متماسك زى الكيك ولا هو سائل انما رخو وتحسى من جوة انها ناقص سوا بس هو مستوى وزى الفل
دى شكل القوالب بتاعتى
أول حاجة بندهنها زبدة او سمن
ونرشها بسكر ناعم (ناعم مش بودر)
سوفليه الفانيليا
4 بيض مفصول
ملعقة كبيرة دقيق
ملعقة كبيرة زبدة
كوب لبن حليب
نصف كوب سكر ناعم (برضوا ناعم مش بودر)
فانيليا
نضع ملعقة الزبدة فى حلة على النار لتسيح
وبعدها نضع عليها ملعقة الدقيق وكأننا هانعمل بشاميل
نقلب على نار هادئة لمدة 3 دقائق
بعدها نضع عليهم اللبن تدريجياً ونقلب بسرعة حتى لا يتكتل
وننزله من على النار ونتركه يبرد
فى طبق عميق نضع بياض البيض ونخفقه بالمضرب
بعد حوالى دقيقتين من الخفق نضيف السكر
نستمر فى الخفق حتى يصبح البياض متماسك
وفى الوقت ده هايكون خليط البشاميل اللى عملناه برد
اوعى تقولى لحد انك عملتى السوفليه بالبشاميل 
نضيف صفار البيض عليه ونقلبه معه
نضع الفانيليا عليهم ونقلب (يفضل فانيليا سائلة بس مش متوفرة عندى )
نضع خليط البشاميل على بياض البيض ونخفق بخفة ورقة
بمضرب سلك
هنا الخليط جاهز
نصبه فى قوالب السوفليه (الفخار بتاعتى )
انا حاطاهم فى صينية علشان ادخلهم الفرن مرة واحدة
وبواحد من صوابعك الحلوة تمشى على أطراف القوالب علشان تعملى فجوة بسيطة بين الخليط وبين القوالب وتديها فرصة ترتفع
يخبز فى فرن درجة حرارته 160 درجة مسخن مسبقاً حتى ينفش السوفليه
اخد معايا حوالى 25 دقيقة
والمفروض يتاكل بعد ما يطلع من الفرن لأنه اول ما بيتعرض للهوا بيهبط
ننزل تحت نشوف النتيجة
بالف هنا يارب
صورة جوية 
صورة داخلية
شوفوا قوامها رخو ازاى
هنا حطيت عليها صوص فراولة
يارب يكون السوفليه عجبكم
استنونى فى حاجات احلى واحلى بإذن الله
لا كلالالالالالام يا عسل
ديه حاجة جميلة جدا جدا جدا
اصبري علي افوق من جمالها و ارجعلك يا حلوتي
يسلمو ايدك يا قمر ابدعتى كثير بشهى
وهذة لى شو رايك ام البنات خذها خذهاااااااااااااااااااااااااااااااااا ومن امبارح بستنى
تم الحفظ
هو الدقيق بسيح يا بيرو يا قمر هههههههههههههههههههههههه 
تسلم ايدك يا بيرو يا عسل سوفليه بجنن ماشاء الله
منتفخ كده ومغري بس المره الجايه اعمليلي سوفليه بالشوكولا
ممممممممممممعارفه طلباتي اوامر اروح انا هروووووووووووووب محدش يقول لبيرو على مكاني
كنت حنادي عليك بقي تنزلي السوفليه قلبي فرط وانا ع بتفرج ع اعلانك كل ماافوت المنتدي وصرت ادور هنا وهنا ع حد تاني منزل السوفليه بالنت وكنت حمووووووووووووووووت بقى المرة الجاية غامري بسوفليه الشوكلاتة بس يكون تحفة زيك لانه مشتهياه
يسلمو ايديكي بجنن بجد جاري التطبيق بس صحون الفخار بتاعت الشوربة ولا كيف يعني الحلة واللي معها 6 صحون للشوربة وهي مو فخار فخار عاملة زي الفخار لانه عندي وبدي اتاكد ياعسل