شعار₪طبق متميز₪ صيادية السمك مع الطاجن بطريقة سهلة :)ممممممممممممممم 2024.

السلام عليكم أخواتي ورحمة الله وبركاته
كيفكن ان شاء الله بخير وصحة جيدة
عادة انا بحب صيادية السمك بس ما بطبخها لأنو شغلها كتير ومربك وبتاخد وقت بالمطبخ بس هالمرة عملت صيادية سمك ومع طاجن وما اخدت معي وقت كتير وكانت سهلة وطيبة حتى اني ما توقعت تكون بهالطعمة الطيبة وهيي بتناسب اللي بيعمل ريجيم لأنها كتير خفيفة وحتكتشفوا من الطريقة انها مش دسمة ابدا وبسم الله نبدأ بالطريقة والمقادير

نحن بحاجة لكيلو سمك فيلية نقطعه الى مربعات وسط ونضعه في صينية وعليه ملعقتين زيت نضعه بالفرن مدة 20 دقيقة وبعدها نشيله ونحطو في صحن ونغطيه حتى ما ينشف

في هذا الوقت نكون اخذنا كوب رز بسمتي مع كوب رز مصري ونغسلهم وننقعهم بالماء ونتركهم على جنب ليجي دورهم

نضع في طنجرة بصلتين مقطعتين الى شرائح جوليان ونضع ملعقة زيت وعلى النار حتى يصبح لونهم بني فاتح فنأخذ منها مقدار ملعقتين للزينة ونكمل باقي البصل على النار

والان الصينية اللي شوينا فيها السمك تكون عادة لونها ذهبي من ماء السمك اللي نزل منها ونشف من الحرارة واصبح بهاللون فنضيف عليه كوب ماء ونحركه حتى تصبح الصينية نظيفة والماء لونه غامق فنضيفه فوق البصل المحمر ونضيف له الملح والبهارات والقرفة والكراوية والكمون ورشة جوزة الطيب وبرشة زنجبيل طازج طبعا بكميات قليلة زنتركهم يغلوا على نار هادئة حتى يصبح لون الماء بنيا بهالشكل

نضع في طنجرة الرز ملعقة زيت ونصفي الرز من الماء ونضعه فوق الزيت ونقلب الرز حوالي دقيقتين ثم نضيف ماء البصل ولكن بعد تصفيته هكذا

ونحركه مرة واحدة ونغلق الطنجرة ونتركه حتى يستوي الارز على نار هادئة جدا وتظهر الشقوق على وجه الرز
لتحضير الطاجن نضع في طنجرة ملعقة زيت وبصلة واحدة كبيرة مقطعة شرائح جوليان ونحركها لتذبل على نار هادئة

نذوب على جنب نصف كوب طحينة مع نصف كوب ماء مع عصير حامضة مع رشة ملح

نضعهم فوق البصل ونحرك حتى يجمد المزيج ونرشه بالصنوبر المحمص

نسكب الرز ونزين الوجه بالبصل المحمر والسمك والصنوبر المحمص

وجنبهم صحن السلاطة

وصحتين وهنا على قلوبكم ان شاء الله تجربوها وتعجبكم وتدعولي
وان شاء الله كل عيد وانتم بخير والمسلمين أقوى واكبر ومنتدانا أفضل وأفضل
عيدكم مبارك