السلام عليكم ورحمة الله وبركاته
إزيكم يابنات على فكره دى اول مشاركه لى فى هذا القسم
وحبيت أشارك معاكم بفتة العدس المصريه مع شوربة العدس بطريقتى ويارب تعجبكم وما تكونش مكرره
وميزة الأكله دى بالنسبه لى إنها بدون لحمه تغيييييير
وياريت تستحملونى لحد ما أنزل كل الصورمع الشرح
والكميه تكفى فردين
أولا المقادير
250 جرام عدس أصفر
2 ثمرة بطاطس مقطعه
2ثمرة طماطم مقطعه _ 2 ثمرة جزر مقطعه
ثمرة بصل _2 ملعقة ثوم متوسطه (واحده توضع على الخليط _ وواحده على التقليه )
ومكعب ماجي _ ملح وفلفل أسود وكمون
ثلاثة أرباع كوب ارز _ نصف كوب صغير خل ابيض
خبز مقطع ومحمص فى الفرن
الطريقه
أولا نضع العدس + البصله وملعقة ثوم +الطماطم والجزر +البطاطس+ مكعب ماجى والبهارات
فى إناء به ماء على النار حتى يتم الإستواء تقريبا 20 دقيقه
مع الحذر إن النار تكون متوسطه لإنه اول مايغلى بيفور وووووووووو فخدوا بالكم
ثم نبدأ فى عمل الارز الأبيض
أعتقد الكل عارفه لكن صورته
أولا نضع زيت فى إناء على النار
ولما يسخن نضع الماء( بالنسبه للأرز الابيض الماء نفس كمية الأرز)
ولما يغلى نضع الأرز والملح والفلفل ونغطى ونتركه على نار هادئه حتى يستوى
يتبع
ولعمل الشوربه
نحمر شعريه أو لسان عصفور
ثم نضيف ماء ونتركه يستوى
وبعد استواء خليط العدس نضربه فى الخلاط جيدا
ونضيف جزء منه على الشعريه المستويه ومعها قليل من الماءلعمل الشوربه
وكده انتهت الشوربه
ثم نقوم بعمل التقليه
بوضع ملعقة سمن ( الدهون الوحيده فى هذا الطبق ) ونحمر فيها ملعقة الثوم المفروم
وأول مايتحمر نضع الخل ونرفعه من النار
نضع الخليط العدس المضروب على الخبز المحمص ثم التقليه
ثم الارز وهو ساخن ويقدم مع الشوربه بالليمون والسلطه الخضراء
إيه رايكم فى أكلتى المتواضعه 
تصدقي انا كنت اتعلمتها من واحدة صديقة كانت بتعملها بدون رز
يعني خبز وعدس فقط ونسبها لغاية ما الخبز يتشرب بالشوربة
ويصبح قوامها غليظ
لكن ضروري بعد كدة حاعملها بالرز زيك
ومش باستعمل مكعبات المرقة ,هل انت شايفة ان المكعبات بتديها طعم افضل وللا ايه رأيك
على كل حال انا حاجربها زي طريقتك بالظبط
جزاكى الله خيرا
شكرا ليكى
roza1
شكرا ليكى ياقمر أنا جربتها من غير رز لقيت بالارز أحلى ومكعب ماجى مش ضرورىممكن الإستغناء عنه
واهلا وسهلا فيكي وبمشاركاتك حبيبتي
اتحفينا دائما