السلام عليكم و رحمة الله و بركاته:
اليوم الأكلة مو غريبة و مو اختراع بس الجديد بالطريقة على ماااااا اعتقد
الكل بيعرف البامية ، و لكل طريقته بالتحضير و هي بتحتاج لدهون كتير .
تعالوا نعملها بهالطريقة و نتخلص من الدهون الضاااارة:
بما أنو الآن شتاء فاستخدمت البامية الناشفة ( عملناها بالصيف و نشفناها …بعيدا" عن الشمس حتى ما يصير لونها أصفر…و خبيناها بمكان جاف و بارد لأيام الشتا )
ننقعها من قبل بيوم بماء ساخن لليوم التاني ، نصفيها و تصير جاهزة للاستخدام.
نحتاج أيضا":
لحمة هبرا (مكعبات متوسطة الحجم)
راس كبير توم
ضمة كزبرة خضراء
حمض حصرم أو ليمونة متوسطة الحجم
نص كوب معجون طماطم
ملح…فلفل…بهارات
ملعقة سمن حيواني أو زيت زيتون
الطريقة:
*نضع وعاء على النار فيه ماء و نتركه حتى يغلي ، نضع فيه قطع اللحمة و نتركها تغلي مدة 5 دقائق.
* نرفع الوعاء و نصفي اللحمة بالمصفاية و نغسلها بالماء البارد. الماء السابق نرميه بتكون فيه كل الزفرة و الأوساخ تبع اللحمة.
البامية….اللحمة…نص كمية التوم بعد تقطيعه شرائح صغيرة…نص كمية الكزبرة بعد ما نغسلها و نفرمها…القليل من الملح…البهارات… معجون الطماطم.
*طبعا" نضيف كوبين من الماء و نغطيها بورق الألمنيوم و ندخلها لفرن متوسط الحرارة.
*الآن روحوا عالسوق….أو عند الجيران ….أو ناااموا…. المهم غيبوا مدة ساعة و نص و بعدين بتطلعوها من الفرن بتكون استوت.
* نضيف عصير الليمونة أو ملعقة كبيرة حمض الحصرم، و نرجعها للفرن تغلي مع بعض شي 10 دقائق.
* نهرس باقي كمية التوم و نضيفها للبامية.
* كمان نخليها تغلي مرة واحدة و نضيف الكزبرة الخضرا المتبقية.
* كمان منخليها تغلي لآخر مرة و ندوق الملح و نظبط الطعمة و نطالعها من الفرن….و خلااااص.
* نضيف ملعقة السمنة الحيواني أو ملعقتين زيت زيتون.
* طبعا" منكون عملنا الرز بالشعيرية و نقدمه بجانب البامية و لو في فليفلة خضرا كتيير طيبة معها:
ألف صحة و هناااا يا رب
أتمنى أن تعجبكم … جربوا و شوفوا********
اول ما شفت اسم بامية جيت ركاض
يسلموا هالايدين وصفة بتشهي والريحة الطيبة وصلت لعندي هههههههههههه
كتبت بواسطة ام سوسو 2024 
اول ما شفت اسم بامية جيت ركاض
يسلموا هالايدين وصفة بتشهي والريحة الطيبة وصلت لعندي هههههههههههه
ألف صحة و هنا حبيبة قلبي
الله يسلمك و يخليك****
طبق بشهىىىىىىىىىىىىىىىىىىىىىىىىىىىىىىىىىىىىىىىىىىىىىىى ى
سلمت يمينك
تسلم الايادي يا قمر
كتبت بواسطة تغريد2017 طبق بشهىىىىىىىىىىىىىىىىىىىىىىىىىىىىىىىىىىىىىىىىىىىىىىى ى
الله يسلمك حبيبتي….نورتي******
كتبت بواسطة OUM ASMAA سلمت يمينك
الله يسلمك حبيبتي….يا هلاااااا
كتبت بواسطة أم فئ الله يسلمك حبيبتي….منورة*****