السلام عليكم ورحمة الله وبركاته
طبختلكم اليوم مسخن تكلو اصابعكم وراه خلينا نبدى بالمقادير لعائله صغيره:
– 3-4 صدور دجاج مسحب
– 8-10 بصلات يعتمد حجم البصله
– 3-4 ملاعق كبيره سماق
– ملح حسب الذوق
– 1 ملعقه صغيره ليمون (بحال كان السماق مش حامض كفايه زي الي عندي)
– 10 ارغفه تورتلا او للمقيمين بدول عربيه خبر ايراني .
– مقدار 2 فنجان قهوه زيت زيتون 1 للطبخ والثاني للدهن.
– صنوبرلتزين انا ما حطيت
الطربقه:
نسلق الدجاج ونفوحه بعدبن نحطله بصله وورقتن غار و4 حبات هيل وملح حتى يستوي الدجاج ,
بهذه الاثناء نفرم البصل بالمولينكس (اسهل) ونضعه بطنجره على نار هادئه من غير شيى حتى تنزل ماء البصل كله ,
بعدين نبلش نضيف شوي شوي من مرقه اادجاج ونضل نضيف حتى يطرى البصل وتخف المرقه ,
وبعدين نضع السماق ورشه ملح بسيطه لانه المرقه مملحه ….بعد شوي نضع زيت الزيتون ونحرك حتى يختلطو ببعض.
وبعدين بنجيب الخبز ونوزع البصل على الرغيف ونلفهم لفائف ونصفهم بصينيه مفرود عليها ورق المنيوم ومدهونه بزيت زيتون ونضع الفائف ونمسحهم بفرشاه بزيت زيتون ونحمرهم بالفرن من تحت ومن فوق.
وتقدم مع سلطه خيار بلبن مع حص ثوم ورشه نعنع وبالهناء والشفاء.
وصحه وهناء منتظره ردودكم بفارغ الصبر
أنا كثير أسمع عن المسخن الفلسطيني وما شاء الله بنات المنتدى ما قصروا ونزلوا
وألحين إنت شجعتيني أن أجربها
ولي رجاء من حبوبتنا أحاسيس إنها تقوم بتنزيل الصور وإعادة تحميلهم من موقع لك
لأنها بجد تستاهل
صراحه شهيتيني
ان شاء الله راح اجرب الطبق
ويا ريت والله اخت احاسيس تعدل الصور لانه كان ودي نزلهم خطوه خطوه بس ما مشي الحال .
نورتي ام غزوز ان شاء الله بتجربيه ويعجبك .
تحياتي
واحنا بذيك الساعة
من عيوني حبيبتي انتي تؤمري
الوصفة روعة هلأ فهمت يعني لازم تكون البصل مايلة الى انها تكون مفرومة
وتنضاف لها كمية كبيرة من السماق بحيث يميل لونها الى الأحمر وتصبح كأنها هريسة .. مش هيك ؟؟
هل حتى في الدجاج اللي بعظامه نعمل نفس الشيء ؟
الله يسلم الأيادي كريس
هاي وفو اخواتنا الفلسطينيات بوعدهن منتظرين بقية الطرق .
حلووووو هيييييييك
الله يسعدك احاسيس وشكرا لانك راح تعدليلي الصور 
– بالنسبه للبصل لا انا ولا عائلتي بنحبه يقرط لهيك بفرمه بالمولينكس والسماق بعطيه حموضه ولون جميل>
– اذا عندك دجاج بعظمه بتزيدي شوي كميه البصلو كمان زيدي من المرق الي بتضيفه على البصل وتغطسي قطع الدجاج بالبصل وتضعيه بعدين بصينه للتحمير والخبز بتفرديهم وتضعي البصل عليهم بس تتركيهم مفرودين وبتحطيهم فوق بعض بالصينيه بتضعيهم بالفرن شوي (انا بخبه مقرمش بصير اخذ رغيف رفيف بحمصه بالفرن) وعند التقديم بتحطي الدجاج المحمر فوق صينيه الخبز وما تنسي الصنوبر.
بس هذابكون طبق رئيسي عليه العين> 
وصحتين وان شاء الله كون فدتك.
شكرا مقدما للتعديل.
الله يسعدك احاسيس وشكرا ابدعتي 