هاي شكلها أول ..
شو تاخذو الطريقة ولا بلاش إشبعو من الصورة؟؟
المقادير:
5 حبات كوسا صغار
2كوب ماء
1 ملعقة كبيرة زبدة
حبتين بصل أخضر مفروم
شوية ملح / فلفل ابيض/ بهارات /1 مكعب ماجي
علبة أصغر حجم جبنة كرافت
نص كوب كريمة
1 ملعقة طحين مش مليانة كتير
(طبعاً إنت زيدي ونقصي حسب ما بدك بس أنا هاي كانت مقاديري)
الطريقة:
إغسلي الكوسا وقطعيها شرحات مدورة وأسلقيها على النار مع ملح والفلفل والبهار ومكعب ماجي حتى تستوي الكوسا ..
بالخلاط أخلطي الكوسا مع ميتها وأضيفي ملعقة الطحين حتى تصير متجانسة من غير كتل ..
هلأ بطنجرة ذوبي الزبدة وقلبي فيها البصل حتى يحمر شوي .. شوي مش كتير وصبي فوقها خليط الكوسا واتركيها تغلي شوي ثم أضيفي الكريمة .. وحركيها وخليها تغلي شوي ..
قدميها ورشيها بشوي جبنة شيدر وإذا بتحبي خبز الثوم المقلي.. (أنا حطيت بس جبنة)
كلوها وإدعولي..
شكلها بشهي و ان شاء الله بجربها
شكراااا
ياعيييني ياعينيي
من طال الغيبه جاب الغنيااااام
يسلمو ايديكِ وعيينكِ
وكل عام وانتي بخير
كتبت بواسطة رغد الاسلام شكلها بشهي و ان شاء الله بجربها
شكراااا
تسلمي عزيزتي .. وصدقيني لازم تجرببيها لأنها لذيذة وشهية..
كتبت بواسطة طيـــف ياعيييني ياعينيي
من طال الغيبه جاب الغنيااااام
يسلمو ايديكِ وعيينكِ
وكل عام وانتي بخير
يا عيني عليك إنت يا طيوف .. الله يسلمك ويخليك وتسلملي عيونك .. ويارب ينعاد عليكم الشهر بالخير والصحة والعافية ..
كتبت بواسطة ام قابوس نعم أختى لذيذة وتستاهل التجربة .. وشكراً على المرور
كتبت بواسطة springroses وإيديك يارب
شوربة الكوسا بهالطريقة اكيد راح تكون طيبة
للمفضلة