كل عام و انتو بالف خير بمناسبه حلول شهر رمضان الكريم 
اليوم وصفتي سهله و سريعه و مغذيه…اتمنى تعجبكم
المقادير
1 كوب عدس حب
4 أكواب ماء (او كوبين من الماء و كوبين من عصير البندوره)
1 مكعب ماجي
بصله مفرومه جوانح
1 ملعقه كبيره رب البندوره
زيت زيتون
عصير ليمون
ملح
الطريقه
اغسلي العدس
لاختصار مده السلق انا بنقع العدس بالماء ساعتين او 3 و لكن هذا راجع لوقتك بامكانك غسله و سلقه دون نقع و لكنه سيحتاج عندها وقت اطول في السلق
ضعي العدس في طنجره و اضيفي له مقدار الماء
(انا بعمل الشوربه بطريقتين ..اذا عندي عصير بندوره طازج بضيف لكوب العدس 2 كوب ماء و بسلقه حتى يتوي ثم بضيف 2 كوب عصير بندوره…
اذا ما في عصير بندوره بضيف 4 كوب ماء للعدس و بسلقه فيها و بعد ما يتوي بضيف رب البندوره)
اتركي العدس على نار هادئه حتى يستوي
عندما يقارب العدس على الاستواء (تعرفين انه استوى بتذوق بعض الحبات)
اضيفي البصل المفروم جوانح
اضيفي البصل المفروم جوانح
عندما يستوي العدس تماما اضيف 2 كوب عصير بندوره
و اتركها تتطبخ قليلا (حتى تغلي الشوربه) ثم اضيف ملعقه كبيره من رب البندوره
رب البندوره يساهم باعطاء الشوربه لون اجمل و قوام اجمل
اضيفي الملح و اتركي الشوربه على نار هادئه 10 دقائق و ثم قدميها
عند التقديم اعصري عليها القليل من الليمون
و صحتين و عافيه
اكيييد طيبة كتيييير … بس كان نفسي اشوف الصور
الله يعطيكي العافية يا رب …
و رمضان كريم
شو بحبها لهاي الشوربة بس بدون بندورة
وان شاء الله راح اجربها ع طريقتك لانها لذيذة بدون شك
رمضان كريم
شوربة العدس كتير بحبها بس مجروشه عمرى ما جربتها حب
اكيد من يدك راااااااااااائعه يا ام جنى
شوربه عدس بتشهي
راح اعملها بنفس طرريقتك بكره
يسلموا ايديك يارب
الجازائرين بسموها طبيخ عدس هيك حماتي كانت تعملها وكانت اضيف عليها لحمة وجزر كمان بصراحه كتير طيبة
بس حبيبتي لا يعلا على شوربة العدس الاصلية والعدس الاشقر يميمييمم
رمضان كريم
يسلموا ايديكي اختي
يسلموا ايديكي دكتوره على الوصفه
أحلى ام جنى
من يد ما نعدمها شوقتيني اقوم اعملها اصلي من عشاق شوربة العدس الحب بكافة انواعها واشكالها واصنافها
تسلمي يارب