شوفوا غدانا امبارح محشى كرنب وفراخ مشوية وارز بالخلطة 2024.

السلام عليكم ورحمة الله وبركاتة
ان شاء الله عملت محشى
كرنب وفراخ
بنجيب الكرنب ونقطعة ونسلقة فى ماية وكمون
ونقطعة حسب المقاس اللى احنا عايزينة ونضيف صلصة طماطم وكمون وملح على ارز مغسول الكمية المناسبة للكرنب
وطبعا كزبرة خضراء وشبت
ونحشى المحشى ونضعة فى حلة ونشربها شوربة ساخنة ومعاها معلقتين صلصة متبلة ملح كمون
ونسيبها على نار عالية وبعد ما تشرب الماء نوطى النار عليها
وادى الشكل قبل ما نشربها شوربة

والفراخ المشوية
جبت الفراخ وغسلتها كويس طبعا كلنا عارفين ازاى
وتبلتها قبل بتلات ساعات
ب صويا صوص
وملح وكمون وبهارات وهيل وورق لورا
ومعلقتين صلصة
وطماطم سليز
على الوش وحطيتها فى فرن الكهرباء