كيف حالكم يا اخواتي في قسم فيض القلم يارب طيبين
ماراح أطول عليكم الكلام
انا من زمااااااااااااااان يمكن من 10 سنوات صديقة لي كتبت لي شعر جميل جداااااااااااا و كل ما اذكره احس كأني اعيش كل احاسيس الشاعر…أذكر سألتها ايامها من وين جبتي هالشعر قالت من كتاب بس ماسألتها عن اسمه…………
الكلمات مازالت عندي و نفسي اعرف إسم الشاعر أو اسم الكتاب ع الأقل علشان اقرا اشعاره الأخرى الجميلة ولكن لم استطع اما زميلتي هذه فانقطعت عنها بانقطاع ايام الدراسة ولا اجد لها سبيل….ولو اقدر اكتب اسمها بالنت علشان اللي تعرفها تسألها بس
قلت مافي غير اسألكمياليت اللي مهووسة بكتب الشعر و أو تعرف ناس يقرؤون كتب شعر ياليت تساعدني وتسألهم والله ما انساها من الدعاء الصالح ..لأني ابغي اشتري هالكتاب لما يفتح معرض الكتاب بعد شهر وللآن لا أجد إسم الكتاب ولا الشاعر…
خايفة أكتب الأبيات ومحد يرد علي مثل ماحصل معي من زمان في احد المنتديات…
رجاء اللي تقدر تساعدني لا تبخل علي بالمساعدة…
فقط راح اكتب الثلاث الابيات الأولى بس هي بالاساس قصيدة أطول
فاذكريني كلما غرد طير ……….واذكريني كلما زاد الحنين
اذكريني كلما أشرق فجر …….وأضاء الكون بالنور المبين
اذكريني كلما جاء الشتاء……يحمل الآلام للفصل الحزين
والباقي أحلى ومؤثر كثير وكلما اقراه احس ببكي بس ماراح أكتبه الا لو عرفت اسم الكتاب أو الشاعر ،، هاه منو تتحمس معاي وناوي يساعدني اتمنى ان لا تردوني خائبة …
والله كان ودي أساعدكِ بس للأسف يالحبيبه ماعندي أي معلومة عن كاتب الأبيات !
يارب البانت يساعدوووووووكِ ,,
دمتِ بخير ,,
أختكِ ,,
ربما لي عوده…!!!!
يعني مافي أمل؟ الله يخليكم ع الأقل اللي تعرف وحده تحب تقرا كتب شعر تسألها علشان خاطري قرب موعد المعرض الكتاب وانا كل سنة على هالحال ما اقدر اشتريه
بس ما حصلت
والله كسرتي خاطري
انزين انتي مو حافظة غير هالثلاث أبيات؟؟
والله لما شفت رد زيادة قلت اكيد هاذي وحدة تعرف و فتحت الموضوع و شفت انه للآن مافي حد يعرف
ومعرض الكتاب مفتوح هالأيام ونفسي الاقيه اسم الكتاب قبل ما أروح له
انا الأبيات اللي عندي 10 ابيات بس حتى لما أدور باقي الابيات ما الاقي لها شاعر وسبق وسألت ناس كثير عن هالشعر مالقيت له دليل
و ألف شكر على مرورك ما اعتقد راح الاقيه في النت لازم حد يكون عنده الكتاب و سبق وقرأ هالشعر علشان يعرفه
و تسلمين يالغلا كلك ذوق والله
أود مساعدتكِ يا أختنا .. ولكن يبدو ان هذه الابيات تسبقها أبيات كثيره ، والدليل أنك بدأتها بحرف الفاء اي بكلمة ( فاذكريني ) وهذا يعني ان هناك ابيات سبقتها تشكو الام الفراق .. وبعدها وصل الشاعر الى عبارات الذكرى بحسب علمي الفقير المتواضع …. والله اعلم .
أما شكوكي فهي ضعيفة جدا اذا ما قلت ان هذه الابيات إما لِ :
ايليا ابي ماضي … او ميخائيل نعيّمه … او جبران خليل جبران
يا بني أم اذا جاءت سعاد تسأل الفتيان عن صب كئيب
فأخبروها ان ايام البعاد قد أطفأت في مهجتي ذاك اللهيب
الا تتفقين معي بقرب الروح والاسلوب بين ماذكرتيه انفا وبين هذه الابيات للشاعر جبران خليل جبران ؟!
والله اعلم …
هاذا اللي كنت ابغيه حد يقرا بالشعر علشان يدلني
و كلامك صحيح كنت شاكة انه تكمله لأبيات تسبقها
و من زمان شكيت بإيليا أبوماضي لأن اشعاره تمر علي كثير في بعض الكتب
بس الباقين للأسف ما قرأت اشعارهم و انت لمحت لي والباقي علي إني أبحث و أدور
للعلم ناوية اشتري ديوان إيليا أبو ماضي من كثر ما تعجبني
والحين عندي خيار بشوف جبران خليل جبران لأن بالفعل في تقارب بالأسلوب
جزاك الله خيرا و راح أبحث وان شاء الله ألاقي مرادي
و ألف شكر على ردك لي و اجتهادك
اذكريني كلما أشرق فجر …….وأضاء الكون بالنور المبين
اذكريني كلما جاء الشتاء……يحمل الآلام للفصل الحزين
ياستي حاولت اساعدك وسويت بحث بس مالقيت الا هذي الأبيات واحد كاتبها توقيع في احدى المنتديات
ويارب تلقين اللي تبغيه
وشكرا
تصدقي من سنوات أعمل بحث في قوقل ما ألاقي شيء
قبل لا أنزل هالموضوع عملت بحث في قوقل و ماطلع لي أي حد كاتب هالشعر
والآن لما عملت طلع لي بالفعل في شخص حاطه بالتوقيع نفس اللي قلتي عليه
وشكله هالشخص ماخذه نسخ ولصق من موضوعي لأن حتى عدد النقط بين المقاطع نفسها نفسها
كنت ناوية اشارك بمنتداهم و اسأله بس مافي داعي شكله ماخذ الأبيات من هنا خاصة انه تاريخ مشاركته بعد تاريخ أدراجي لهالموضوع مش قبل …
و ألف شكر لمحاولتك مساعدتي