السلام عليكم ورحمة الله تعالى وبركاته
كيفكن يا أخواتي
بصراحة مالي عرفانة من وين بدي بلش
الطبق كتير كتير كتير لذيذ وخفيف ومغذي للصغار والكبار
والأحلى من هيك يمكن عمله بكل سهولة
انا من جهتي ما بعرف حالي مديت يدي على صحن هالطبق
إلا وطلعت والصحن فاضي على الآخر
من كتر ما بحب هالطبق
بلا طول سيرة الطبق هو:
الكشكة الخضراء
وكتبته لكم من قبل والرابط هو:
الكشكة الخضراء ألذ وأطيب طبق شامي على الفطور أو العشاء
http://www.lakii.com/vb/showthread.p…24#post1114024
بس هالمرة ساوضح لكم هالطبق بالصور خطوة خطوة
أول شيء نكون قد غسلنا بما مقداره كاسة برغل بالماء
نصب الماء فوق البرغل ثم نصفيه
نتركه مع قليل من الماء (في أسفل وعاء البرغل فقط )
بعد أن يمتص الماء نطحنه إما بطاحونة الكبة أو بالمولينكس (الرأس الصغير أبو ثلاث شفرات)
ثم نضعه في وعاء عميق كما في الصورة:
أنا بصراحة بحط كميات من البرغل المطحون بالبراد (الثلاجة) وكلما احتجت لعمل كشكة
أطلع من البراد كيس برغل (تقسمين الكمية حسب حاجتك كل مرة)
ثم نفرم بصلة خضراء فرماً ناعماً (مقدار بصلة متوسطة أو أقل حسب الرغبة)
ثم نفرم بقدونس مفروم فرماً ناعماً ونضعه هو والبصل فوق البرغل كما في الصورة :
نأتي بلبن زبادي ونضع كمية منه فوق البرغل والبصل والبقدونس المفرومين
ولا ننسى الملح حسب الرغبة
كما في الصورة :
نخلط المكونات جيداً إلى أن تتجانس (المزيج يجب أن يكون لا جامداً جداً ولا سائلاً جداً )
نسكبه في صحن التقديم
كما في الصورة التالية:
نزين الصحن بالبندورة المقطعةناعماً وبالجوز المفروم
ويمكن التزيين بحبات زيتون
وطبعاً لا تنسوا وضع زيت زيتون على الوجه
تؤكل مع زيتون أسود وشاي وحشائش (بجل – جرجير – بصل أخضر – فجل – نعنع أخضر- فليفلة خضراء )
وهيدي هي صورة الطبق النهائية
[/CENTER]
ما شاء الله عليج
اكلة حلوة وغريبة علينا
قصدك برغل التبولة والا المجدرة
يا ريت صورة الطاحونة ب3 شفرات
كم ننقع البرغل مثلا ساعة
الصراحة تسلم ايدك وفي شوق لرؤية اطباقك الجديدة
تسلم الايادي الحلوه ديه
شطورة يا عاشقة الحلويات
شو رأيك بشنكليش من تحت دياتك الحلوين
والطمع في الحلوين مش طمع.
سلمت الأيادي.
بالنسبة للبرغل إذا كان خشن فيجب طحنه بالطاحونة المذكورة أو بطاحونة الكبة العادية
وإذا كان ناعم فلا بأس به (مع أنني أيضاً أطحنه )
مدة النقع حتى ترين أن البرغل قد أصبح طرياً وليس قاسياً
وبالنسبة للصورة أول ما يصير لي مجال فسوف أصورها لك
تكرمي يا أختي الطالبة غالية والطلب رخيص
هلا بك أختي الأًصيل
سلمك الله تعالى وجزاك كل خير علىمرورك وردك
هلا بك أختي وعو د الخير بارك الله بك يا أختي
وأسعدك الله تعالى
بصراحة ما بعرف ساوي شكنكليش
بس بعرف أكله
زوجي يسميها سوركة
بس بالشام بيسمونها شكنكليش
آعتذر عن عدم قدرتي على تليبية طلبك يا غاليتي
وحياك الله تعالى
وجزاك ألف خير على مرورك وردك
هاي اولادي فرحانين بطبق الكشكة الخضراء
سلمت الايادي بجد بجد جربوه
الطعم خيالي ومعها حق عاشقة الحلويات ترجع الصحنانظف من الصيني بعد غسيله..
يسلمو الايادي
متحمسه ابقوه اسويه مع انه مالي بالمطبخ ابدااااااااا
يعطيك العافيه
تسلميلي و تسلم الشام أرض الخيرات "كم أنا مشتاقة لك يا شام"
و كما أقول لك دائما زيدينا من الدرر الشامية الأصيلة و سأسميك "درة الشام" لابقلك
يسلموا إيديكي إنك عرفتيني اياه شكله عن جد طيب
لذيذين أولادك كلهم حيوية لأنهم أكلوا كشكة خضراء
على فكرة ابني طالع لي كمان ما شاء الله عليه
بيحب الكشكة الخضراء كتير ولما بيشوفها على الأكل
ما بيحط غيرها بفمه ولازم لقمة ثم زيتونة وهيك وطبعاً كاسة الشاي كمان
بتعرفي الصحون مو بتطلع بس نظيفة كمان ما بتحتاج للجلي بعد أكل ما فيها
يعني على المصحنة مباشرة
صحيح وعود يعني عن جد ما بتعرفي هالأكلة من قبل ؟؟؟؟؟؟؟
هلا بك أختي الــدلالــ
الله يسلم يديك أنت كمان يا أختي على الرد
وليش ما الك بالمطبخ ليش فيه أحلى من المطبخ
أصلاً ما سموه مملكة المرأة إلا عن حب المرأة له
الله يهديك شمري عن يديك وشوفي كيف حتنبسطي بشغل المطبخ
هلا بك أختي جنان الورد
حياك الله تعالى وبارك بك
الحمد لله اللي لبيت لك طلبك وسؤالك
وتكرم عيونك حتشوفي مني الكثير من الوصفات المصورة
بس ما تحرمين من ردودك ساعتها
فرحتيني بالاسم الذي أطلقته علي
أصلاً الشام هي الدرة الوحيدة بهالدنيا كلها
وليش فيه حدا يبعرف الشام وما بيحبها وبيشتاق لها
فكيف باللي عاشوا فيها وكانت وطنهم
الله يحميك يا شام
هلا بك أختي أم البنين
حياك الله تعالى يا أختي
الحمد لله أنك عرفت ما هو الكشك
بس نحنا أهل الشام عنا الكشكة الخضراء التي بين أيديكم
والكشكة اليابسة سأعملها لكم عن قريب
ومو بس شكله طيب وطعمه جنان