يامساء الجمال
النهارده عملت سمان محشى وقلت تشوفوه معايا
الأول نضفت السمان ونقعته فى ميه وخل وملح وبعدين دعكته بالدقيق وسبته يتصفى على المصفاه
ونقيت الفريك وغسلته وسبته برضه يتصفى شويه
فرمت بصلايه وقلبتها على النار مع شوية زيت لحد ماصفرت
ونزلت عليها بالفريك وحطيت ملح وفلفل وبهارات
وزودت شوية ميه صغننين جدا وسبته يتشرب وكده يبقى استوى نص سوا
وبعد مابرد حشيت السمان من تحت ومن فوق عند الرقبه وبين الجلد واللحم
وبعدين حطيت شوية زيت وفصين مستكة فى صينية وحطيت السمان شويه ( والصينية علشان اقدر اتحكم فيه ومايفكش منى لو حطيته فى حلة غويطة )
واما اتحمر شويه رحت مزودة ميه واما غليت رحت موطية النار وغطيته لغاية ماستوى
وسبته اما هدى شويه ورحت محمراه ورشيته بالملح والفلفل
والف هنا وشفا ….. يم يم
ربنا يخليكى على الوصفة الحلوة دى
رائحته واصله عندى
تسلميييييييييييييييييي
زينى طبق السلاطة بوردة الطماطم ….. لعيون جنى 23 ….
تغريد2017 ………… تسلمىىىىىىىىىىىىىى حبيبة قلبى يارب
مسك الجنة ….. ربنا يخليكى يارب …. يللا مدى ايدك ماتتكسفيش …. 
ايه ده كله يا كرملة
فظيـــــــــــــــــع السمان
تسلم ايديك يا عسل
يجنن بجد
الله يعطيكي العافية
وتسلم الايادي
مشكورررة واااجد
وبالهنا والشفا
اعتبرتها هدية احمد فى عيد ميلاده