النهارده عملت كبسة وقلت طيب شوفوا كده شكلها معايا
قلبت بصلاية مفرومة فى شوية زيت لحد ماصفرت
وبعدين طمطمايه مكعبات
ولما دابت شويه ضفت عصير 3 طماطمايات
وسبتهم شويه لحد ماتسبكوا رحت ضايفه جزرايه وسط مبشورة وشوية زبيب
بعدين حطيت قرنفل: حوالى 4 حبات
وقرفه خشب :عود واحد
وورق لورى: ورقتين
وحبهان : 3 فصوص
فى شاشة ولفيتها وقفلتها كويس
ونزلت بيها فى خلطة الطماطم
وسبتهم شوية وغطيت الحلة وبعدين ضفت الرز المغسول حوالى كبايه ونص
وزودت ميه وقرفه وملح وكمون وفلفل
واما الميه غليت وطيت النار وغطيت الحله لحد ماستوى
وبعدين غرفته وحطيت على الوش لوز محمر
و يم يم يم
شكلها مشهي تسلمي
أختي شكله مره لذيذ..
…. تسلمى تسلم الايادي
ويعطيكي العافية
ع الاكلات الطيبة