مسسسسسسسسسساء الخير
كيفكم يا حلوين . غدانا اليوم أكلة طيبة كثير من تلااثنا وأكلاتنا المتوارثة حبيتكم تشاركوني فيها,خصوصا سواد العيون سيسي يا عسل .
نبدأ بطريقتي في تحضير دجاج المسخن .
طبعا كمية الدجاج غير محددة حسب الرغبة هون انا عندي عزومة من شان هيك كمية الدجاج حرزانة
ثلاث دجاجات كل دجاجة مقطعة إلي نصفين . ملعقة ملح كبيرة , 2 ملعقة سماق ,1 ملعقة بهار مشكل ,2 ملعقة بهار دجاج ,كأس صغير لبن ,نصف كأس صغير عصير ليمون,تلات ارباع كأس صغير زيت زيتون , 5 اسنان ثوم مفروم , 2 راس بصل مفروم جوانح ,نصف كأس صغير ماء
بنخلط جميع المقادير مع بعض مع الداج وبعدين نضع الدجاج في فرن متوسط الحرارة .انا اول نص ساعة بلف الصينية بقصدير بس بعدين بشيلة
وهسى دور تحضير المسخن
المقادير لتجهيز البصل إلي انا استعملتها 5 كيلو بصل ,زيت زيتون حسب الحاجة ,2 ملعقة كمون ,1 ملعقة كبيرة كركم ,ملح حسب الحاجة , ملعقة بهار مشكل .
البصل بنفرمه مكعبات وبنحطة في طنجرة ونضيفلة كل ما سبق ذكرة مع الانتباه انه الزيت يكون كافي وبنقلي البصل حتى ينضج . ضروري بعد ما ينضج البصل نوضعة في مصفاه مباشرة وبنحتفظ بزيت قلي البصل
خبز لمسخن اكيد خبز بلدي احنا بفلسطين الاغلب بنخبز في البيت وهادا الخبز من خبزي عملته خصوصي من شان لمسخن . طبعا رح استعمل خبز حسب كمية الزيت
سماق كمان حسب الحاجة ولوز او صنوبر مقلي
المقادير لتجهيز البصل إلي انا استعملتها 5 كيلو بصل ,زيت زيتون حسب الحاجة ,2 ملعقة كمون ,1 ملعقة كبيرة كركم ,ملح حسب الحاجة , ملعقة بهار مشكل .
البصل بنفرمه مكعبات وبنحطة في طنجرة ونضيفلة كل ما سبق ذكرة مع الانتباه انه الزيت يكون كافي وبنقلي البصل حتى ينضج . ضروري بعد ما ينضج البصل نوضعة في مصفاه مباشرة وبنحتفظ بزيت قلي البصل
خبز لمسخن اكيد خبز بلدي احنا بفلسطين الاغلب بنخبز في البيت وهادا الخبز من خبزي عملته خصوصي من شان لمسخن . طبعا رح استعمل خبز حسب كمية الزيت
سماق كمان حسب الحاجة ولوز او صنوبر مقلي
بنوخد كل رغيف لحاله بندهنة بزيت قلي البصل من الوجهين انا بستعمل ئيدي في الدهن . ونوضع الرغيف ع صينية وبنضيف إله كمية البصل المناسبة . بنجهز جميع الارغفه بهاي الطريقة ونوضع كل رغيف فوق التاني . لما بدنا نبدأ بالخبز بنحضر صينية حجم بناسب الخبز وبنوخد كل مرة بس رغيف بنرش السماق فوق البصل وبنوضعة في الفرن . تحمير خبز لمسخن حسب الرغبة في ناس بتحبه كثير مقرمش . وفي ناس وسط . انا عن نفسي بحبه وسط لما يتحمر الرغيف من تحت بنقل الصينية الدفة التحته في الفرن من شان كمان سطحة يتحمر شوي . بستعمل صينيتين في الخبز من شان استغلال الوقت لما بنزل الرغيف بحط مكان الرغيف التاني ع طول . كل رغيف بده من خمس دقايق الى سبعة
وبكون مجهزة صينية التقديم وكل رغيف بجهز بنقله عليها وبرشه باللوز المقلي مسبقا
وبكون مجهزة صينية التقديم وكل رغيف بجهز بنقله عليها وبرشه باللوز المقلي مسبقا
لمسخن بنقدم معه شوربة فريكة وسلطة ولبن . يارب تكون طريقتي عجبتكم وصحتين وعافية ع الجميع
مين بدها تكون اول ضيفة عندي يا ترى 
اختكEl rEy
شكرا اختى وهنيئا لك اختى سواد العيون عالعزومه الجميله دى
تسلم يدك و تستاهل سواد العيون
يسلمووو
والله اشتقنا كتير للمسخن بس ما بعرف اعمل الخبز هون، ان شاءالله نرجع بلادنا على خير
يسلمووو ايديكي الحلوة يارب
يعطيكي العافيه
شهيتيني