ورمضان كريم والله يعيده علينا بالطاعة ان شاءالله
عندي كمية ليمون … و الليمون الان قل في السوق و صار صغير جدا و مابطلع عصير و غالي جدا
قلت استغل الكمية الكويسة الي عندي
مش كتير كتير كيلو هية
ولكن الحبة كبيرة ممكن يطلع منها اشي
بدي اخزن
ولكن المشكلة الطريقة التفريز ماتنفع في غزة للاسف الكهربا حاليا في ازمة
تقطع و تيجي
فترة القطع والدنيا حر بتخلي السوائل او المكعبات الثلجية بتسيح مش سيحان كامل
ولكن بتسيح عبعضها
فانا لاغية فكرة التثليح على شكل مكعبات
وحابة طريقة اخرى
يكون سائل في التلاجة او الفريزر مش مشكلة
بس اي شي غير المكعبات
ياحظنا بس الواحد شو يقول غير الله يجازي السبب
المهم دلوني يابنات
العصير الي بكون مركز وبنباع للطبخ
كيف بحفظوه بمادة حافظة وبس؟
مافي طريقة اخرى بالغلي او التمليح
اي شيء غير التفريز
طيب لو حطيت العصير كلو في وعاء بلاستيك مغلق في الفريزر و صرت اكحت بالملعقة لو احتجت
عادي ولا يفسد عشانو كمية كلها فوق بعض؟؟؟
وشكرا وبارك الله فيكم
هذه الطريقة قريت عليها مرخرا و هي التفريز في برطمانات زجاجية تصلح للفريزر مثل هذه
و لكن ادا لم تجدي ممكن تستعيضي عنهم با ي برطمان زجاجي عنده غطاء مثل تبع المربى او الجبن السائل
انا استعملته في حفظ الماء المنكه
الما ء المنكه …هدية مون لكل عضوات لك بمناسبة رمضان كل عام و انتم بخير
وكل ما عليك فعله هو تعقيم البرطمانات عن طريق الفرن اوالماء المغلي
و عند ملء البرطمانات بالعصير اتركيه حوالي نصف انش الى انش فراغ كي لا يتكسر البرطمان بفعل البرودة و تمددالعصير
ممكن تعملي تجربة صغيرة بكمية صغيرة من العصير و ممكن زيادة في الحيطة تضعين الزجاجة في علبة يلاستيكة
و ان شاء الله باقي الاخوات يفيدوك
شوفي طريقتي ع السريع بس لازم تلاجة
يعني نص العمى ولا كله
اعصري الليمون وخذي زجاجة العصير الصغيرة
اللي بتتسع من فنجان لفنجانين
حطي العصير كله واتركي فراغ بسيط
وفي الفراغ صبي زيت زيتون يادوب ملعقتين كبار
وقفليه وخليه في الثلاجة
انا بيفضل عندي تقريبا 3 شهور
وممكن كمان بدل الزيت تضيفي 2 ملعقة ملح للعصير
واذا عندك ليمون زيادة
صدريه لعندي
العنوان انت عارفاه
عادي ولا يفسد عشانو كمية كلها فوق بعض؟؟؟
البلاستيك غلط يا عسل مع الوقت اكيد بيتفاعل مع الحمض واسألي انجل هي عندها دراية اكتر مني أكيد
وعود شكرا عالطريقة ان شاءالله بحط زيت و ملح هههههههههه زيادة الخير خيرين
عندي قزايز عصير زجاجية ان شاء الله اجربهم
ومعك حق بالنسبة للبلاستيك ولايهمك بعدين اللمون كلو الك
هي كيلو شراه جوزي اول الشهر كبيرة الحبة ولهلأ ماستعملت مابعرف ليش مع انو بحط عالسلطة بس كان ضايل من الشهر الي فات شوي
بس لما رحت عند اهلي شاريين من الجديد يالهوي عليه صغير كتير و مافي اي عصير عشان هيك قلت الحق حالي بالي عندي
هلأ ببعتلك كم لمونة 
شكرا الك … بس ياويلك لو راح خرب العصييييييير بالتلاجة حنتحر واكتب ورايا ورقة انو عهود السبب 😛
أو تغلي وتضيفيله شوية ملح اذا بدك ياه لتحميض الأكلات متل الحصرم
وبعدين بتعبيه بزجاجات وسكريه منيح وما تخلي ماء يدخل عليه ابدا
هي طريقة وحدة بعرفها كانت تبيعه وكانت تعمل معو البرتقال بنفس الطريقة