المقادير :
صدور دجاج مخلية ( مقطعة مكعبات )
طماطم مقطعة ( مخلية من القلب ) + فلفل مقطع ( اخضر حلو )
بصل مقطع + شرائح الليمون
ملح + فلفل + جوزة الطيب
بهارات مشكلة + زعتر ( الأورجانو )
2/1 كوب عصير ليمون
2/1 كوب عصير برتقال
4/1 كوب عصير رومان ( دبس الرومان )
واحد كوب زبادى
2 ملعقة كبيرة مسطردة
الطريقة :
– تضاف كل المحتويات مع بعض طبعا ماعدا ( الطماطم , الفلفل , البصل , شرائح الليمون )
وتقلب جيدا ونضيف اليها الدجاج وتترك فى التتبيلة 12 ساعة على الأقل قبل الشوى ولو امكن ليلة كاملة يكون احسن وتتشرب التتبيلة جيدا .
– نحضر الأسياخ ونبدء بوضع شريحة ليمون ثم فلفل ثم بصل ثم طماطم ثم قطعة من الدجاج وهكذا الى ان ينتهى السيخ ونكرر نفس الخطوات مع باقى الأسياخ الى ان ننتهى من الكمية .
– ممكن نشويها على الفحم او فى الفرن انا عملتها فى الفرن وطلعت رائعة .
– و اهم شيئ فيها الزعتر ودبس الرومان وده سر طعمها .
– يفضل تقطيع الفلفل , البصل , والطماطم على شكل مربعات وشرائح الليمون فى اول السيخ واخره فقط وبالهنا والشفا …………
علي العموم
نجوان اية الحلاوة دي كمان متعلمها من شيف يلا بجربها علي طول خصوصا اني وزوجي عاملين رجيم بس المشكلة عصير الرمان مش اوان رمان دلوقتي هنا اعمل اية بقي
تسلم ايدك وايد مين علمك اكيد حجربها واقولك
نوشي الحبوبة اسفة لاني مردتشي عليكي في موضوع الصور المعبرة بس اديكي عرفتي السبب واذ عرف السبب بطل العجب
nano شوفى ياتوتة لو انت فى دولة عربية سهل جدا تلاقى دبس الرومان ( أو عسل الرومان ) ده بيكون فى السوبر ماركت معلب فى برطمان زجاج او اكياس بودرة لأنه مش عصير عادى ده محضر وكثيف زى العسل الأسود عندنا وان شاء الله تلاقيه .
لو أنت زى حلاتى هاتلاقيه صعب شوية فى التدوير .
واقولكم شيئ من غير ماتضحكوا انا لسه ماجبتوش بس الأمانة حتمت عليا انى اقوله فى الوصفة علشان اللى عنده يستعمله يعنى ممكن الأستغناء عنه والمطر يركب الصعب .
بس انتي بتحطية ربع كوب دبس رمان ولا بتخففية بالماء وشكرا يا عسولة علي التوضيح
وحطيه زى ما هو علشان مززته مطلوبة والعفو يا توتة اى سؤال انا تحت امرك .
طريقتك جدديدة وراح اجربها
