يا صبايا نفسي أجرب مسقعة الباذنجان على الطريقة المصرية مين بتقدر تساعدني
اهلين اختي الغالية
حبيبتي هذا الموضوع عن الاكلات المصرية وتلقين فيه كل لي تبغينه
ركن الاكلات المصرية…
السلام عليكم هذه طريقة المسقعة اولا تحمرى الباذنجان و تتركيه على جنب فى مصفى سلك او على ورق نشاف ليمتص الزيت و بعدين نشوح البصل فى الزيت و نضيف اللحمة المفرومة و تملح و تبهر حسب الرغبةو تترك على جنب نحضر قالب الفرن و نضع فيه نصف كمية الباذنجان ثم اللحمة المفرومةو نقطع فوقها فلفلة خضراء باردة او حارة ثم باقى الباذنجان و بعدين نجيب طبق و نضع فيه معجون الطماطم و ماء و ملح و فلفل و زعتر و الزعتر ضرورى لانه بيديها طعم حلو و نقلب و نضيفه للباذنجان الى ان يغطى الباذنجان و تدخل الفرن او توضع فوق البوتجاز و بالهنا و الشفا
بصراحة مفيش بعد كلامك اى اضافة ممكن اضفها الله يعطيك العافية
ومشكووووووووووووووووووووووووووووووووورة جدا
عزبزتي Hedaia الله يكرمك ويجزيكي الخير على ردك بس عندي سؤال تاني اذا ما كان فيها غلبة أنا مرة شفت على التلفزيون طريقة للمسقعة فيها بشاميل ايش الفرق بينها و بين طريقتك
حبيبة قلبي عذبة لحساس شكرا لإهتمامك و انشا الله مردودة إلك بالأفراح
عزيزتى رينو المسقعة بالباشميل بتتعمل بنفس الطريقة بس فيها تغيير بسيط و هو ان انا بضيف الصلصة المخففة بالماء الى اللحمة المفرومة و كمان بضيف الفلفلة الخضراء و الزعتر ايضا للحمة المفرومةو بنعمل بشاميل زى بشاميل المكرونة بلضبط و بنرص الطبقات كالتالى فى قالب الفرن نصف كمية الباذنجان ثم اللحمة المضاف لها الصلصة ثم باقى الباذنجان و اخيرا الباشميل و القليل من معجون الطماطم علشان الوش يحمر و نضيف كمان رشة بقسماط فوق معجون الطماطم و بالهنا و الشفا
معلش نسيت اقولك ان المسقعة بالبشاميل بتدخل الفرن و مبتتعملش فوق البوتجاز
انشا الله ما ننحرم الذوق المصري شكرا حبيبتي
هذه هى طريقة المسقعة المصرية زى ما أنا بعملها :
المقادير :
-1 كيلو باذنجان رومى
-1/2 كيلو طماطم معصورة و مصفاة
-1 بصلة متوسطة مفرية
-1 ثمرة فلفل حامى ( حسب الرغبة )1 ملعقة سكر صغيرة
– ملح و فلفل بالقدر المناسب
– زيت للقلى
– عصاج (حسب الرغبة و سنذكر كيف تتعمل )
-10 حبات ثوم مفروم
الطريقة:
1-يقشر الباذنجان و يقطع الى نصف دوائر
2-يتم نقعه فى ماء و ملح لمدة 1/2 ساعة و يصفى بعد ذلك فى مصفاة
3-يتم وضع الزيت فى مقلاة على النار حتى يبدأ يسخن
4-نضع الباذنجان المقطع فى الزيت دفعة دفعة و عندما يصبح لونه ذهبيا نخرجه من الزيت و نضعه على مناديل المطبخ حتى تتشرب الزيت ( كل دفعة تخرج يتم تمليحها فور خروجها )
5-فى الصينية التى ستدخل الفرن , نضع 2 ملعقة زيت و البصلة المفرية على النار حتى يصبح لونها ذهبيا ثم نضيف عليها الطماطم المصفاة ثم نضع عليها ملعقة سكر ( ضرورية و ستاتى بنتائج مبهرة )
6-نضع العصاج على الخطوة السابقة (و هو عبارة عن لحمة مفرومة + بصلة على النار)
7-نضع بترتيب شرائح الباذنجان المقلية فى الصينية ثم نضع ثمرة الفلفل الحامى مقطعة و حبات الثوم المفرية
8-نضيف ماء أو مرق بحيث يغطى سطح الباذنجان بمقدار 1 سم ( و نذوق لنختبر مقدار الملح )
9-تدخل فى فرن حار حتى تتشرب مع بعضها و ستتصاعد رائحة طيبة أثناء وجودها فى الفرن
و بالهنا و الشفا
منتظرة تجربيها و تقوليلى
و هتدعيلى