أخواتي العزيزات ارجو منكن المساعدة فانا انتظر ولادتي خلال هذه الأيام ومن فترة قرات انه سوف يتم وضع
ملف للنفاس لكي تتم الاستفادة منه للجميع ،، فارجو من من لديها الخبرة وطرق العناية
خلال فترة النفاس والايام اللي قبل الولادة وبعدها تفيدني لانها ولادتي الاولى بس واللي
يعافيكم ابي اشياء مجربة ومعقولة ما تكون اشياء غريبه ولا يقبلها العقل مع العلم اني
نباتية يعني لحوم انسو ما آكل لحوم بس سمك هذا للعلم ادري بتقولون شنو مقدمة تقرير حالة
بس وللي يعافيكم لا تنسوني اخاف اولد اليوم ؟؟؟؟!!!!!
وبالسلامه انشاء الله
ام بعد
نصحيتي لكي قبل الولاده ان تمشي كثير واكيد الدكتوره قالت لكي هذا لان ذالك يسهل الولاده
وكلي تمر كثييرواهتمي بغذاكي هذه الفتره حتى يكون عندك مخزون من الطاقه تساعدك عند الولاده اما بعد الولاده اهتمي بشرب السوائل الساخنه وخصوصا الحلبه انا اعرف ان لها رائحه بس لازم لانها مهمه جدا جدا ولها فوائد كثيره واهتمي ايضا بملابسك بعد الولاده لان الجو هذه الايام بارد لذاك يلزمك لبس ملابس ثقيله حتى لاتصابي بالبرد خصوصا ان بعد الولاده يكون الجسم ضعيف اهتمي بمولودك واحرصي على الرضاعه الطبيعيه وايضا من فوائد الحلبه انها تزيد اللبن للطفل ايضا الحلاوه الطحينيه ولو ارتي معلومات اكثر اقرئي مجلة الام والطفل يوجد فيها معلومات مهمه والف مبروك مره اخرى ويارب اكون افدتك
اللي تسوونها في النفاس طبعا الي عندها اولاد فاهمة شنو اقصد !!!!!
ان توقعت القى ردووود وايد لما شفت الزوار 129 ان مازلت انتظر الرد
____________ وشكرا مقدما """"""
كل يوم شنو اسوي وشنو استخدم وشنو آكل وشلون الطريقة
شسالفة ويييييييييييييييييييييييييييييييييييينكم؟؟؟؟؟
بدوره انا شفت امي بالنفسان تشرب طبيخه واتحط مع الاكل حبه سوده وحلبه واكلها اهو شوربة دجاج مع الحلبه وحبه سوده وتشرب معاه طبيخه
وانا سمعت امي اتقول ان العيش والعجين بالنفاس يكبر بطن المره
ايه صج نسيت امي العوده كانت كل صبح اتسوب لامي عصيده
بس هذا الي امي اتسويه
اتمنى اكون افدتج
الغداء عادي سلطات و شوربة و خلافه…..
العشاء خليه خفيف عشان ما يطلع لك بطن……..
لا تكثرين من الموية تطلع كرشة خصوصا اليام الأولى……….
أحسن ما تاكله النفاس (الماش)حبوب خضراء اللون و رخيصة و متوفرة …إطحنيها و حطيها مع حليب الصباح و قبل النوم ملعقة ……..
تتشطفين بموية و ملح للجرح مع مطهر بيتادين ممتاز ….
كلي كمون مطحون سواء مع المرق او الحيب عشان الشمم و البراد…مو دايم أهم شئ أول الأيام…….
الله يسهل عليك و يرزقك الذرية الصالحة …….هاه إدعي لي……….
وكثرة الدعاء (دعاء الكرب )علشان ربي يسهل الولاده ..وفيه أدعيه كثيره لازم ما تفارق الواحد
وبعد الولاده ان شاء الله تبدين بالسوائل الساخنه والشوربه الساخنه قبل الظهر والصباح بدري
اشربي حليب مع عسل أصلي والفطور عصيده من تمر وطحين بر
وانتبهي تأكلين نشويات كثيره مثل الرز والمقالي والبطاطس والمأكولات اللي تكبر البطن
وكثري من الخضار والفواكه وطبعا شراب الحلبه واليانسون والقرفه والشمرلأدرار الحليب
ولا تتعشين كثير أوشي دسم
وعليك بالرياضه وانت جالسه يعني تقوية المهبل وشده
وأخيرا أتمنى لك الأمومه الجميله
وان شا الله تقومين بالسلامه
يعني مافهم بالسوالف هاذي واجد
بس اعرف شيئين ممكن تفيدك
ابعدي عن الماء لا تكثرين منه يكبر البطن ويوسعها
اشربي نعناع كثير لانه يشيل الكرش