أنا عندي ولد عمرة ألحين سنتين وشهر…
بس ما شاء الله عنيد… وهذا العند ظهر معاه من شهر تقريباً بدأ يعاند كثير…
أول ما كان كذا أبداً … كان هاديء واي شيئ تقولينه يسمع الكلام
وألحين صار عنيد مرة ومحد يقدر يكلمة ابداٍ واذا قلت له لأ… يعني يصير نعم عنده
إحترت معاه صرت اكلمه إن هذا الشيئ غلط واذا سويت بيصير كذا… هو الحمد لله يتكلم زين ويفهم كل شيئ أقوله… بس عنيد
واذا يريد شيئ وقلت له لأ… تعالي وشوفي يصاخ ويبكي… وانا أهمل هذا الجانب فيه… اقول خليه يبكي ولما يتعب يسكت… وفعلاً يكون كذا بس بعده عنيد
وانا شوي شوي معاه… وهو يعرف انه اذا سوى كذا بيتأذى نت إلي سواه بس عناداً فينا يسوي ويتأذى
خبروني هل طريقتي صحيحة أو فيها شيئ من الغلط…
إنصحوني ترى هذا اول طفل لي… وإنتوا تعرفون مالي خبرة كيرة بهل المجال
تحياتي:-
المارين… أم الوليد
يمر الطفل بهذه المرحلة حيث يتحول من مرحلة الرضاعة إلى مرحلة الطفولة، وهنا يحاول إثبات شخصيته وفرض رأيه. وهنا عليك أن تقومي بالمثل.
– إن طلب شيئاً صعب التحقيق، قولي لا بحزم ولا تكرري الكلام.
– إن صرخ وبكى لا تردي عليه، واتركيه يبكي حتى يتعب ويسكت.
– اسأليه وقتها إن كان يريد أن يأتي يجلس في حضنك
عادة يستسلمون لهذا العرض.– إن داوم على البكاء ثم أخذ بالتخريب ورمي الأغراض، خذيه إلى غرفة وأغلقي الباب عليه.
– اتركيه دقيقتين فقط، ثم أخرجيه منها واسأليه إن كان سيهدأ، عادة سيكون الرد نعم… إن استمر أعيديه لدقيقتين ثانيتين.
هذه الأمور نفعت مع ابني وهو في عمر طفلك. أرجو أن تنفع معك. لكن مهما طال الأمر فسيتحسن على الثلاث سنوات.
ذكرتيني بهمي مع ابنتي هي بعمر ابنك تقريبا بس أكبر شوي و الحقيقة الله يحميها مجننتني بعنادها و الحين صارت بس نروح السوق تقعد بالأرض و تصيح الله يصبرني بس كل الأخوات الله يوفقهم نصحوني اصبر أكيد تتغير بعد ما تكبر شوي و هذا رابط لموضوعي اللي تكلمت معاهم عن موضوع مشابة و الله يعينك و يوفقك و يطول بالي و بالك و بال كل الأمهات http://lakii.com/vb/showthread.php?s=&threadid=39228