اخواتى الكرام
انا بقى كنت برتب الدولاب بتاعى و لاقيت بنطلون جينز قديم
وفضلت افكر اعمل فيه ايه….
و بعدين فكرت ان كلنا طبعا بنحتار نرتب الايشاربات بتاعتنا ازاى 
فجاتلى الفكرة دىىىى
حامل للأيشاربات من الجينز و الكروشيه
اولا جبت البنطلون و قصيت رجليه من تحت الحجر
ثانيا ثبت اول رجل فى شماعة بالشكل دة
ثالثا قصيت الرجل الثانية الى شرائح و زينتها بالكروشيه من الاجناب
رابعا قسمت كل شريحة الى اقسام لوضع الايشارب و ثبتهم كدة
و دة شكلها من قريب من فوق و من تحت
و دة شكلها بعد لما حطيت الايشاربات فيها
و طبعا ممكن تكررى دة فى الخلف كمان بنفس القماش او بالكروشيه و ممكن تضيفى جيوب للأكسسوارات و الشرابات
يا رب تكون عجبتكوا
تحياتى
منى
وفعلا عندك حق وممكن كمان انا اعملها للشوربات علشان الولاد علشان تبقى مع بعض
تسلمى وتسلم ايدك
اه فعلا و معندكيش فكرة دى وفرت مكان فى الدولاب و شكلها مرتب اوى
انتى عارفة هرجله الايشاربات و الشربات
ان شاء الله تنفذيها احسن من كدة كمان.
يعطيكي الف عافية يارب
متشكرين أوي ياحبيبتي على الفكرة الحلوة
جزاكى الله كل خير يارب
بجد تسلم دماغك وايديكى
فكرة عمليه جداااااااااااااا