عندي سوال بخصوص الصبغة ياريت اتساعدوني 2024.

اختي الكريمه…..الكوافيرات بيخلطوا مع الصبغه مادة الاوكسجين او بيروكسيد

واذا جربت انتبهتيلهم بيضعولك من علبتين وبيخلطوا……….

بس الافضل متل ما حكتلك ضحى روحي الكوافيرة افضل……خاصه الشعر الاسود

بدو فن حتى يصبغوه…….هون عندي تغلبت كتير حتى وجدت صالون يزبطلي شعري لانهم اجانب ومش متعودين على اللون الغامق، اول مرة رحت عند واحده الله لا يوريك طلع لون عجيب غريب على شعري……وكان يوم نص دوام يعني لازم تشتغل للساعه 3 وتروح……

وضليت قاعدلها : " وين اروح……..بدك ترجعيلي شعري متل ما كان"

ومسكينه خافت وحكت خلص برجعلك فلوسك بس حللي عني…….هههههههه

ضليت وراها حتى زبطتت وعادتلي الصبغه وطلعت من عندها الساعه 6 …….

صعب التعامل مع اللون الاسود ومرات بيضطروا يخلطوا اكتر من لون حتى يزبط….

بدها خبرة الشغله، في كوافيرات بيعملن الك اوكسجين "تشقير " حتى يختفي لون شعرك وبعدها برجعن يحطين اللون اللي بدك اياه…….وهذا ضار بالشعر، الهم سرهم الخاص

انا ولا مرة صبغت بالبيت الصراحه……..

اه بالنسبة لصالونات المتحجبات……انا رحت عند كوافيرة وعجبتني كتير الها صالون خاص فيها ومش داخل مول….حكيتلها مشكلتي اني ما بقص شعري اما الرجال فلحسن الحظ ما بشتغل عندها رجال بس ممكن يجوا يقصوا شعرهم…..فصارت تعطيني المواعيد في فترة الصبح وهم الناس بالشغل…..بتحكيلي ما بيجي حدا عادة في هذه الاوقات
اما في الويك اند ما بروح لانه بكونوا مليانين عندها……والله حريصه اكتر مني مسكينه وبتكون مسكرة الباب وكاتبه بره انه اللي بيجي يرنلها بس في لحظة ما اقص شعري والحمد لله رب العالمين لحد الان ما صدفت رجل شاف شعري……..بس بدك تتعرفي على واحده تكون محترمه وتقدر……والشغلة حظ

ان شاء الله اكون ساعدتك