اليوم راح أخبركم عن طريقة لنقع الدجاج قبل القلي… بس بعد ما تقرأوه لازم تجربوه
ها موافقين ولا لأ
ما أسمع
لازم أعرف أول اذا بتسوا الطبق ولالآ
يعني بتطنشوني
لا لا لا …أعرف إنكم ما راح تخيبون ضني وإنكم راح تردوا علي … وإنكم راح بتسوا الطبق… وأعرف إني مصختها وطولتها..
يا الله ألحين حضروا الورقة والقلم وحضروا البرنتر…
المخاسير:
4 الى 5 بيضات
1 دجاجة مقطعة للقلي ومسلوقة… وممكن تسلقي أرجل الدجاج اذا بغيتي
4 م ك طحين أبيض
4 م ك بقسماط
4 م ك نشأ
ملح حسب الرغبة
فلفل أسود بودرة حسب الرغبة
فلفل أحمر بودرة حسب الرغبة
2 م ك بقدونس مفروم
2 م ك سنوت مفروم
2م متوسطة بهارات مشكلة
الطريقة:
1) بعد سلق الدجاج جيدا… نخرجه من الماء ونحطه يبرد
2) نخلط جميع المقادير الي فوق بس أولا النواشف بعدين البيض .. حطي 2 بيض واخلطي بمظرب البيض وبعدين زيدي 2 بيض واخلطي جيدا واذا حسيتي انه بغى زياده بيض حطي البيضة الخامسة.. يعني الخليط ما يكون غليظ ولا خفيف وسط
حطيها نصف ساعة بالخليط مع التقليب بين وقت وأخر..
3) سخني الزيت وسقطي الدجاج فيها وحمريها…
وبعدين قدميها للشاء مع الخبز والبطاطس المقلية أو بطاطس الوجيز
أو قدميها على الغداء مع أرز أبيض وسوي فاصوليا مع الطماطم.
واذا حبيتوا طريقة الفاصوليا بالطماطم خبروني تراها لذيذة مرة..
وعلى فكرة نفس الخليط ممكن تعمليه بالسمك ……ز بس السمك ما تسلقيه !!!!!
وأي إستفسار أنا حاضرة… وألحين من منكم تجرب الطبق اليوم للعشاء
تحياتي //// المارين
بس ممكن اعرف ليه البيض كثير
والله يعطيك العافيه حبيبتى
مع تحياااااااااتى
ام علاء
لكن عندى سؤال متى اخلط البقدونس ؟
صباح الخير..
كيف الحال
أخت ريتاج شكرا على ردك …. البقدونس تحطينه لما تخلطي المقادير الناشفة … يعني أي مرحلة بس قبل البيض.
وإن شاء الله تجربيها وتعجبك ولا تنسي إنك تدعيلي اذا عجبك الطبق
ها يا بنات والباقي وين… يعني محد جبر بخاطره وسوى الطبخة sid …
زعلتوني منكم يا حلوين 
sid يعني أنا اليوم زعلانة وحزينة
من إلي راح تراظيني
تحياتي/// المارين الزعلانة ( أم الوليد )
