ولو ضحكتم زى ابقو ادعولى
بجد ربنا يرحمنا
——————————————————————————
لو شاطر… تعرف تعيش فى مصر بـ 1000 جنيه ! ! !
البيان
البيان
ملاحظات
عيش بلدي
بس لازم تلحق دورك فى طابور الفرن وتلحق شغلك فى نفس الوقت ربنا معاك
حليب
عدد واحد لتر يومياً ويارب ميطلعش بودرة سيراميك ويكفى العيال
فول
كيلو فول اسبوعيا يعنى 125 جرام يوميا رضا والحمد لله
جبنة بيضاء
كيلو في الأسبوع 125 جرام يوميا انت عايش
بيض
عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
خضار
عبارة عن صنف واحد بس + كيلو طماطم + لمونه وحزمة جرجير اسبوعيا
فواكهه
عبارة عن كيلو برتقال أو قشر موز مرة اسبوعيا علشان العيال تفتكر اسمة
شاى
لزوم الكيف اللى بيذل والضيوف الرزلين
سكر
عدد واحد كيلو اسبوعيا مش بقولكم الكييف يذل وضيوف معندهمش دم
ارز
عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام
زيت
لتر اسبوعيا علشان تشرب بق على الريق يزيت معدتك 000 يستعمل كبديل للخضروات
مكرونه
عبارة عن عدد 4 كيس 400 جرام اسبوعيا 0000 خلى العيال تنبسط
دجاج
عدد واحد دجاجة اسبوعيا للعائله 000000 اظن معقول
لحم
عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
بقوليات
عبارة عن كيلو واحد بس شهريا ونقى اللى بتحبه براحتك ( عدس – لوبيا – فاصوليا )
توابل
عبارة عن دقيق + ملح + كمون + فلفل + كسبرة + وممكن تديها خل براحتك
صابون
عبارة عن صابونه واحدة للحمام + صابون مواعين + مسحوق للملابس ( النظافة عموما )
مواصلات
بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا
حلاق
عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )
مدرسة
عبارة عن مصروفات المدرسة + مصروف العيال اليومى + كراسات واقلام وجلاد 00ألخ
دكتور
نمرض بالدور طبعا عدد اربع افراد مرة واحدة للفرد كل 4 اشهر وربنا يستر
ادوية
أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه
تليفون
اشتراك الهيئة هنرد بس ومش هنتكلم معدش ينفع كلام
مياة
للاسف لازم نشرب مياة ملوسة بالمجارى
غاز
الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية
نور
لمواكبة التطور غساله ملهاش مسحوق – تلاجة فاضية – بوتجاز يستخدم مرة كل اسبوع
قمامة
اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين
بواب
مهو من حقه يعيش هو كمان لو عشر شقق يبقى 150 جنية شهريا خليه يهيس
صيانة
لاصلاح الاجهزة بالدور غساله – سخان – بوتجاز – مروحه – تلاجة – سباكة – لمبات انارة الخ
ملابس
عبارة عن الصيفى والشتوى داخلى وخارجى واحذية وشربت وكلونات واتصرف بقى
الاجمالى
اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض
ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة
عيد الام ربنا يخليها ويديها الصحه
كل سنة وهى طيبة
عيد الكحك
كل سنة وانتم طيبين
عيد اللحمة
كل سنة وانتم طيبين
حلاوة المولد
كل سنة وانتم طيبين
ورمضان كريم وخيره كتير
كل سنة وانتم طيبين
ورمضان كريم وخيره كتير
أخ خ خ نسيت احسب زكاة الفطر بس مش عارف هدفع ولا هأخد ؟
عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر
ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )
المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع
اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل
احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى
ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضهوهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ
خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او 78;شرب حمص كله كلام فاضى ممنوع ياسيد
اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم
طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك
وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو
عموما لو على الكلام مش هيخلص روح الحق طابوووووووووووووووووووووووووور العيش تبقى نصيبة لو عطلتك ورحت لقيت الفرن شطب
منقوووووووووووووووووووووووول
وحياتك ياحبيبتى الالف جنيه ال بتتكلمى عليهم دول يدوب مصروف الاولاد فى الشهر على التعليم فقط تخيلى
وهما حتة اتنين بس الله يكون فى عون ال معاه تلاتة اربعة علشان الناس تعرف قيمة تنظيم الاسرة وتعملوا اجبارى
والبيت مايكفيه كل يوم100جنيه ومش هقول رفاهيات كلها اساسيات وكل يوم بند جديد
الله يكون فىعون الناس ويصبرهم على ما بلاهم
ربنا يرحمنا ……….والاسعار تخف شويه ……………….
فى ناس بتاخد 350 جنية فى الشهر
و3 و 4 عيال كمان
و بستنى ردودكم
وتسلمي حبيبتي على الموضوع
دول ما يجبوش 150 دولار يا اختي
و بعدين يا بنات اللي حصل حصل بقة
بس والله خلاااااااااااااااااص الناس اتخنقت
طيب علي فكرة يا اختي انا مصروفي الاسبوعي من بابا 100 جنية
غير مصاريف علااجي اللي تعدي 500 جنية في الشهر
و طبعا دة انا لوحدي
لما بابا تقريبا اتخنق مننا كلنا هههههههههههههه
طيب دي احتياجات فرد واحد في اسرة مع اني اصلا مش بدرس
و العيشة غالية و نار
و فظيعة
انا بعزر الناس كلها
والله يا بنتي انا ماشية و كان فية راجل عجوز ماشي يكلم نفسة خلااني عيطت
و اكلم نفسي انا كمان و اقول يعني انا كمان كلها كام شهر حيبقي ليا بيت
و حبقي مسئولة
حتي شيلت خطيبي الهم بقولة احنا حنعيش ازااي
حنصرف ازاي
قالي انتي شايلة هم الدنيا لية كدة
انا اللي حصرف عليكي
طيب اهو انا شايلة الهم ما بالك ناس اعرفها و الله
اسرة تتكون من 6 افراد
و الااب موظف ولا يتحصل علي 500 جنية
و اكبر عيالة ثانوية عامة و شهادة اعدادية و ابتدائي و مولودة بترضع
و ال500 جنية المفروض يكفي مية و نور و غاز و دروس العيال
و مصاريف اكل و شرب
شوفي بقة
دي عيشة بقت صعبة
الله يعيناااااااااا و يغفر لينا جميعا
زي ما يكون عقاب من ربنا
بس نرجع و نقول الله المستعان