ازيكم يا بنات كل سنة وانتم طيبين
على السريع كده قبل ما ابنى يصحى من النوم قلت انزلكم موضوع بسرعة
بصوا يا بنات انا معنديش غاز طبيعى فى بيتى و بستخدم انبوبة غاز و كنت كاتبة لسة من فترة عن الصراصير اللى بتبقى فى اﻻنابيب و انك ﻻزم ترشى اﻻنبوبة قبل ما تدخليها الشقة لحسن تتميلى صراصير
المهم انا عندى انبوبتين واحدة شغالة بيها و التانية بتبقى استوك علشان لو اللى شغالة بيها فضت استخدم التانية لحد ما اجيب انبوبة مليانة
اللى شغالة بيها طبعا فى دوﻻب تحت الحوض اما التانية كنت عايزة احطها فى البلكونة بس جوزى مرضيش ﻻنه كان خايف من الصواريخ بتاعة اﻻفراح اللى بقت تعمل حرايق فى البلكونات و الدوﻻب بتاع المطبخ مينفعش احط فيه اﻻتنين
فاضطريت احطها ورا باب الليفنج و مكنتش بتخلى الباب يتقفل للاخر طبعا
وكنت مخنوقة منها جدا كانى شيلاها فوق راسى
وقعدت افكرلها فى حل مدة طويلة لحل ما ربنا الهمنى بفكرة وهى فكرة الغطا
انا طبعا ملبساها غطا من اللى ب 5 جنيه ده بس انا عملتلها غطا تانى
بالعربى كده استوحيته من فكرة الطاربوش :smiley-laugh:
وحتطها جنب الجزامة فى الريسبشن
متتفجعيش شكلها مش باين اصﻻ دلوقت تشوفى يا قمر
انا للاسف مش بنزل ﻻنى ساكنة فى دور عالى ومعنديش اسانسبر فمقدرتش انزل اشترى خامات للافكار اللى فى دماغى علشان انفذها فاضطريت اتعامل و اشتغل بالمتاح من البيت
الفكرة عبارة عن صندوق الميكرويف بس انا خليته واقف بالطول و شيلت منه جزء علشان التهوية يعنى مش 4 جوانب ﻻ 3 جوانب بس
و غلفته بشنطة هداية اللى هى قماش كان جالى فيها هدية و كملت بقيت الديكور بشنطة هدايا كرتون قصتها و ﻻزقتها بمسدس الشمع
للاسف هما دول اللى كانوا موجودبن فى البيت معنديش امكانيات وﻻ خامات بس يعنى اتصرفت
انا عايزة براءة اختراع بقى :smiley-laugh:
يا رب تعجبكم
على فكرة انتى ممكن تستخدميها علشان تدارى اى حاجة شكلها مش حلو احذية مثﻻ او اى حاجة كده
كل سنة و انتم طيبين
فى رعاية الله
http://www.lakii.com/img/all/Jun15/Yo2Huh06300312.jpg
فكرتك تجنن انا جالسة ابص في الصورة قبل ما اقرأ شرحك للفكرة
وأقول فين مخبيتها
أبدعت يا قمر وربي يعطيك العافية
Sent from my LG-D855 using منتديات لكي mobile app
تسلم افكارك الحلوه عزيزتي
وفتح لك باب للجنة لا يسد..
تسلم ايديكي وافكارك يارب