فلان الكريم كراميل المكسيكى بالجبنه يجنن على ضمانتى والطعم مختلف تماما 2024.

بنات حقيقى انا دبت فى الحلا ده
كان طعمه رائع وجديد ولذيذ
Creamy Caramel Flan
وهو فلان الكريم كراميل
او تشيز الكريم كراميل وده حلا بيتعمل فى المكسيك لكن مش عارفه اصله مكسيكى ولا لأ
المهم انه عجبنى من ضمن الحلويات المكسيكيه

المكونات

3/4 كوب سكر
باكت جبنه كيرى
5 بيضه
1 علبة لبن محلى مكثف
1 علبة لبن مكثف غير محلى
فانيليا

الطريقه

اولا انواع اللبن المكثفه المحلى والغير محلى كنت عملاه بالبيت فالموضوع كان هين ماديا

اولا اكرمل السكر ب2 م ك ماء واول ما اوصل للون المطلوب اقلبه فى صينية الكريم كراميل

ثانيا
اخفق البيض لوحده مع الفانيليا جيدا واتركه على جنب

واضرب الجبنه الاول بمضرب البيض واضيف عليها بعد ذلك البيض وبعد ذلك اللبن النوعن ويخلطوا جيده
وافرغهم فى صينية الكريم كراميل
وقبل ما اخبز الكريم كراميل احطه فى صينيه بها ماء علشان الكراميله ما تتحرقش