الله يسلمكم في هالشتاء ولا احلى من الحنيني والمحلى والحلويات هذي وانا مع الاسف ما اعرف والوالد الله يخليه يحب الحنيني فا الله يسلمكم الي والدتها الله يخليها تعرف تتبرع وتحطه عشان يستفيد الجميع وكثر الله خير الجميع ………..
وجزاكم اله خير
طريقت الحنيني هي تمر مطحون اي نوع ويفضل سكري
قرصان ينقع مع حليب وهيل وثم يفرم بفرامت اللحم ثم يفرم هو والتمر
ثم يحمى بشوي زبدة
سبحان الله
ما قصرتي بس يا اختي ابي بالضبط يعني كم قرص لكم تمر وشكثر الزبده يعني عارفه بغلبك بس ما ودي احوس ولا تضبط ويعطيك الف عافيه
الىام رند بصراحه اناالكميه الى اسويها كبيرةمثلا
اجيب تمر من سوق الربوه الى في الرياض وطلب من بائع التمر كيس مطحون تمر
ثم اذهب الى القرصان واشتري ب15 ريال ثم
احضرقدر فيه حليب والزنجبيل والهيل ثم اقطع القرصان وبلله بلحليب وافرمه بفرا مت اللحم
الىطلعه على شكل خيوطثم اقسم التمر على شكل كور حتى يسهل خلطه مع القرصان ثم افرمهم مره اخرا ثم اقسمه فى اكياس على حسب احتياجي وقبل الاكل اسخنة بشو ي زبدة اى ملعقة صغيرة
وحتى اوفر عليك وقت وجهد تلقينه جاهزة من الحياله (اسم محل في الرياض) حي الروابي
بجوار ابنا علي
الحمد لله
تسلم ايدك اختي والله يقويك بس غير لما تقولين اشتريته غير لما تقولين سويت حنيني بلكي يكون فيه عريس يدور وحده سنعه مع اني اشك في هذا
لكن انشالله لا جد اختي والله حلو الوحده تسوي شي في البيت وانا صراحه احب الطبخ لكني مو طباخه مع الاسف
بس مو مره سئيه لكني يعني راعيه مزاج في الطبخ اذا مسكت معاي اسوي شي لازم اسويه وحابه اسويه للوالد ومشكوره اختيالله يحرم ايديك عن النار ووالديك والمسلمين …………..
وشكـــرآ
وان بعد نفس السؤال000
وهل الجاهز الي في الحياله مثل تمور الصالحيه ولا احلى؟؟؟
بالنسبه للقرصان هذا يبناع عند محلاتهم اذا كنتي بالرياض بتلاقيه عند المحلات الشعبيه او محلات مكتوب عليها قرصان طبعا شي رطب وهذا الي نحتاجه واليابس الي نستخدمه في اكله القرصان الشعبيه المالحه وانشالله اكون افدتك ما قلبت راسك على الفاضي
اختي فراوله الحنيني هذا ما جربته جاهز حق الحياله بس الصالحيه ما فيه كلام بس شغل البيت ولا اطعم منه عشان كذا ودي اتعلم عليه 
تسلمون خواتي
وين السنعات تراث اهلنا نسيناه الله يهدينا الحنيني القشد الفريك المحلى وينكم؟؟؟؟؟؟؟؟؟؟
انا جربت حنيني تمور الصالحية ابدا" ما عجبني؟؟؟؟؟؟؟؟؟
لانه مش زي الحنيني اللي ناكله……صاير فتيت……يمكن في مناطق بنجد يأكلونه بس في القصيم شكل ثاني………
اما بخصوص القشد انا قد نزلته في المنتدى…….
قشد (اكله لوجربتوها ماراح تنسونها من حلاوه طعمها)